نائیجیریا کی ایک ریسکیو ایجنسی نے اطلاع دی ہے کہ شمالی نائیجیریا کی ریاست نائجر میں مسافروں اور مویشیوں کو لے جانے والے ایک ٹرک سے ٹکرانے کے بعد ایندھن کا ٹینکر پھٹ گیا جس کے نتیجے میں کم از کم۵۲؍ افراد ہلاک ہو گئے۔

نائیجیریا کی ایک ریسکیو ایجنسی نے اطلاع دی ہے کہ شمالی نائیجیریا کی ریاست نائجر میں مسافروں اور مویشیوں کو لے جانے والے ایک ٹرک سے ٹکرانے کے بعد ایندھن کا ٹینکر پھٹ گیا جس کے نتیجے میں کم از کم۵۲؍ افراد  ہلاک ہو گئے۔اس حادثے کے سبب ۵۰؍ مویشی زندہ جل گئے ہیں۔

🔴NIGERIA 🇳🇬| #Drama: 48 people died on Sunday morning in a fuel tanker explosion in #Agaie Local Government Area, in Niger State (North Central). The incident occurred when a tanker truck collided with a trailer truck carrying travelers and livestock from Wudil, #Kano State. 1/2 pic.twitter.com/rwGlqiiBfa

— Nanana365 (@nanana365media) September 9, 2024

نائیجیریا کی ریاست نائجر کی ریاستی ایمرجنسی مینجمنٹ ایجنسی یا سیما کی جانب سے جاری کی گئی تصاویر میں دیکھا جا سکتا ہے کہ اتوار کی صبح پیش آنے والے اس حادثے کے بعد کارکنان ایک درجن سے زائد جلی ہوئی لاشوں کو دفن کر رہے ہیں۔ تصاویر میں حادثے کے بعد جلی ہوئی گاڑیاں بھی دیکھی جاسکتی ہیں۔

یہ بھی پڑھئے: راج ناتھ سنگھ کی پاکستان کو گفتگو کی مشروط پیشکش

نائجر سیما کے ترجمان ابراہیم حسینی نے خبر رساں ایجنسی اے ایف پی کو بتایا ہے کہ دھماکے اور حادثے کے بعد متاثرین کی اجتماعی تدفین کی جارہی ہے۔

حادثے کے بعد گاڑیوں کی حالت دیکھی جاسکتی ہے۔ تصویر: ایکس

سیما نے اپنے بیان میں مزید کہا ہے کہ یہ حادثہ اس وقت پیش آیا جب ایک پیٹرول ٹینکر کی انسانوں اور مویشیوں کو لے جانے والے ٹرک سے ٹکر ہوگئی۔ نائجر کے ریاستی گورنر محمد عمرو باگو نے حادثے کی وجہ سے جانوں کے ضیاع پر اظہار افسوس کرتے ہوئے مقامی باشندوں سے پرامن رہنے کی اپیل کی ہے۔ اس حادثے کے سبب ۵۰؍ مویشی زندہ جل گئے تھے۔ 

Tragedy! 48 people have died in a tanker explosion in Nigeria, where a fuel truck collided with a trailer that was carrying people and their animals, causing a fire that burned everything in its path. This was announced by the Director of the Disaster Management Agency Abdullahi pic.twitter.com/DQQNAmpy2t

— Planet Radio Ug (@Planetradioug) September 9, 2024

خیال رہے کہ افریقہ میں ایندھن کے ٹینکروں کے دھماکے عام ہوچکے ہیں جہاں سڑکوں کے انتظامات ٹھیک نہیں ہیں۔ فیڈرل روڈ سیفٹی کمیشن (ایف آر سی ایس) کے مطابق ۲۰۲۳ء میں نائیجیریا میں سڑک حادثے کے سبب ۵؍ ہزار افراد ہلاک ہوئے تھے جبکہ ۲۰۲۲ءمیں سڑک حادثے میں ہلاک ہونے والے افراد کی تعداد ۶؍ ہزار ۵۰۰؍ تھی۔

حادثے کے بعد کا منظر۔ تصویر: ایکس