آج پی پی پی کے چیئرمین بلاول بھٹو نے ایوان میں سپریم کورٹ پر سخت تنقید کی اور کہا کہ ملک میں جاری بحران کی ذمہ دار صرف اور صرف عدالت ہے۔ اس نے نہ صرف دم توڑتی پارٹی ’’پی ٹی آئی‘‘ میں جان پھونک دی ہے بلکہ سیاسی معاملات میں مسلسل مداخلت بھی کررہی ہے۔

آج پاکستان کے سابق وزیر خارجہ بلاول بھٹو زرداری نے سپریم کورٹ پر تنقید کی کہ اس نے سابق وزیر اعظم عمران خان کی پاکستان تحریک انصاف (پی ٹی آئی) پارٹی کو اس کا مشہور انتخابی نشان دے کر پارٹی کو ’’دوبارہ زندہ‘‘ کردیا ہے۔ واضح رہے کہ سپریم کورٹ نے ایک متنازع فیصلے میں الیکشن کمیشن آف پاکستان کے اس فیصلے کو برقرار رکھا تھا جس میں ۸؍ فروری کے عام انتخابات سے عین قبل پاکستان تحریک انصاف کا انتخابی نشان اس کے قوانین کے مطابق انٹرا پارٹی انتخابات کرانے میں ناکامی پر چھین لیا گیا تھا۔

یہ بھی پڑھئے: اولمپکس: جیولن تھرو میں گولڈ میڈلسٹ ارشد ندیم کا بچپن انتہائی غربت میں گزرا

بلاول نے قومی اسمبلی میں ایک تقریر میں تجویز پیش کی کہ اس فیصلے سے پی ٹی آئی کو ہمدردی کے ووٹ ملے۔ انہوں نے کہا کہ اس فیصلے نے ایک مردہ سیاسی جماعت کو زندہ کر دیا جس کے بعد اس نے متحرک ہونا شروع کر دیا ہے۔ طاقتور بھٹو زرداری خاندان کے ۳۵؍ سالہ بلاول نے مزید کہا کہ سپریم کورٹ کے اس فیصلے کے سیاسی اثرات برآمد ہوئے اور ۸؍ فروری کے عام انتخابات میں پی ٹی آئی کو فائدہ پہنچا۔

یہ بھی پڑھئے: ’’ڈان‘‘ کیلئے میرے ذہن میں رتیک روشن تھے: فرحان اختر کا انکشاف

انہوں نے یہ بھی الزام لگایا کہ مخصوص نشستوں کی الاٹمنٹ کے موجودہ بحران کی ذمہ دار بھی سپریم کورٹ ہے۔ یاد رہے کہ عدالت نے اپنے ایک اور فیصلے میں کہا تھا کہ پی ٹی آئی آزاد امیدواروں کو جگہ دینے اور مخصوص نشستوں میں حصہ لینے کیلئے ایک جائز سیاسی جماعت ہے۔ پاکستان پیپلز پارٹی کے چیئرمین بلاول نے کہا کہ ’’اس ایوان میں بیٹھا کوئی بھی شخص ملک کے موجودہ بحران کا ذمہ دار نہیں ہے۔ اس کی ذمہ دار صرف اور صرف سپریم کورٹ ہے۔‘‘ انہوں نے یہ بھی کہا کہ ملک کی عدلیہ سیاست میں مسلسل مداخلت کر رہی ہے۔