پاکستان کے سابق وزیر اعظم عمران خان نے اپنی حالت کیلئے پاکستانی فوج اور آئی ایس آئی کو ذمہ دار ٹھہرایا اور کہا کہ اگر انہیں کچھ ہوا تو اس کے ذمہ دار پاکستانی فوج اور آئی ایس آئی ہوں گے۔ پاکستان تحریک انصاف کے بانی نے ایک مرتبہ پھر پاکستان کے پارلیمانی انتخابات میں دھاندلی کے دعویٰ کو دہرایا۔

پاکستان کے سابق وزیر اعظم عمران خان نے ایک مرتبہ پھرکہا کہ ’’ان کی اس حالت کیلئے فوج اور آئی ایس آئی ذمہ دار ہیں‘‘ اور اپنی جان کا خطرہ خدشہ ظاہر کیا ہے۔ خیال رہے کہ عمران خان کو گزشتہ سال حراست میں لیا گیا تھا اور فی الحال وہ روالپنڈی کی ادیالہ جیل میں قید ہیں۔ عمران خان نے اپنے ایکس پوسٹ پر پاکستانی کے پارلیمانی انتخابات میں دھاندلی کے دعوؤں کو دہراتے ہوئے کہا کہ حقیقی منشور والی حکومت ہی بنیادی اصلاحات کی منصوبہ بندی کر سکے گی۔پاکستان تحریک انصاف پارٹی کے بانی نے مزید لکھا ہےکہ میری قید کے حوالے سے تمام انتظامی معاملات آئی ایس آئی کے قابو میں ہیں۔

Message from Imran Khan, Founder of Pakistan Tehreek-e-Insaf, from Adiala Jail

1. I want to remind my nation that there have been two attempts on my life: first in Wazirabad, and then again at the Judicial Complex in Islamabad. The ISI stole the CCTV footage from Wazirabad, and…

— Imran Khan (@ImranKhanPTI) August 27, 2024

میں دوبارہ کہہ رہا ہوں کہ اگر مجھے کچھ ہوا تو اس کیلئے فوج کے چیف اور ڈی جی آئی ایس آئی ذمہ دار ہوں گے۔خیال رہے کہ خان کا یہ بیان پاکستانی حکومت کے یہ کہنے کے بعد سامنے آیا ہے کہ سابق وزیر اعظم عمران خان کے ۹؍ مئی ۲۰۲۳ء کے تشدد کے معاملات میں کارروائی فوجی عدالتوں کو سونپی جائے گی۔ قانونی معاملات کیلئے حکومتی ترجمان وکیل عقیل ملک نے کہا تھا کہ ’’۹؍ مئی ۲۰۲۳ء کے تشددمیں فوجی ایکٹ کے اطلاق کی ضرورت ہے کیونکہ فوج کی تصنیبات پر حملہ کر کے اسے نقصان پہنچایا گیا تھا۔‘‘

ٰیہ بھی پڑھئے: پوپ فرانسس کا اگلے ہفتے ایشیا دورہ، انڈونیشیا کی مسجد استقلال میں خطاب کریں گے

یاد رہے کہ ۹؍ مئی ۲۰۲۳ء کو پاکستانی رینجرز کے ذریعے عمران خان کی حراست کے بعد اسلام آباد ہائی کورٹ کے احاطے میں پرتشدد مظاہرےہوئے تھے جس کے بعد عمران خان کی پارٹی کے کئی کارکنوں کو حراست میں لیا گیا تھا۔ ان کی پارٹی کے کارکنان نے مبینہ طور پر درجنوں فوجی تصنیبات کو نقصان پہنچایا تھا جن میں جنا ہاؤس ، میان ولی ایئر بیس اورفیصل آباد میں آئی ایس آئی کی عمارت شامل ہیں۔ ہجوم نے مبینہ طور پر راولپنڈی میں فوج کے ہیڈکوارٹرس پر بھی حملہ کیا تھا۔

بانی تحریک انصاف عمران خان کا اڈیالہ جیل سے پیغام

۱-
اپنی قوم کو ایک مرتبہ پھر یاد دہانی کروانا چاہتا ہوں کہ وزیر آباد اور جوڈیشل کمپلیکس واقعات میں مجھے قتل کرنے کی دو مرتبہ کوشش کی گئی تھی۔ وزیر آباد واقعے کی سی سی ٹی وی فوٹیج آئی ایس آئی نے چوری کی، جہاں مجھ پر حملہ ہوا، وہاں…

— Imran Khan (@ImranKhanPTI) August 26, 2024

خان نے اپنی پوسٹ میں مزید لکھا ہے کہ ’’آئی ایس آئی نےو زیرآباد سے سی سی ٹی وی تصاویر چوری کی تھیں اور اسلام آباد میں ہونے والے حملے سے ایک رات قبل آئی ایس آئی نے جائےوقوع پر قبضہ کر لیا تھا۔ جیل میں میرے لئے حالات مشکل بنا دیئے گئے ہیں ۔ وہ عملہ جسے یہ یقین دہانی کیلئے رکھا گیا ہے کہ میرے کھانے میں زہر نہ ملایا جائے، چوتھی مرتبہ تبدیل کیا گیا ہے۔ 
انہوں نے جیل میں اپنی اہلیہ بشرہ بی بی کے حالات بتاتے ہوئے کہا کہ جب وہ عبادت کرتی ہیں تو چھت پر سے  چوہےگرتے ہیں اور عدالت کو اس تعلق سےآگاہ کیاجا چکا ہے۔ میں نے یہ بھی واضح کیا ہے کہ اسلام آباد کی ریلی کو ملتوی کیوں کیا گیا تھا ۔یہ پوری حکومت جھوٹ کے سہارے چل رہی ہے ۔ یہاں تک کہ میں ان کے بارے میں خبریں پڑھنا بھی پسند نہیں کرتا ہوں۔محکمہ کے ساتھ میرا کوئی رابطہ نہیں ۔ اگر ہم ان سے مذاکرات کریں گے بھی تو وہ صرف ملک اور آئین کیلئے ہی ہوگا۔ 
انہوں نےاپنی پوسٹ میں بنگلہ دیش کے حوالے سے کہا ہے کہ ’’بنگلہ دیش کے فوج کے چیف، چیف جسٹس اور پولیس کے چیف وہاں کی وزیر اعظم کے وفادار تھے لیکن جب عوام سڑکوں پر اتر آئے تو انہوں نے اپنے حقوق جیت لئے۔ حکومت پر تنقید کرنے والوں کو ڈجیٹل دہشت گرد قرار دیا جاتا ہے۔