پاکستانی پولیس نے سابق وزیر اعظم عمران خان کی پارٹی (پی ٹی آئی)کے متعدداراکین اسمبلی اور لیڈران کو ان کی رہائی کے مطالبے کیلئے دارالحکومت میں ایک بڑی ریلی نکالنے کے ایک دن بعد چھاپوں میں حراست میں لیا۔ پولیس کے ترجمان نے کم از کم چار حراستوں کی تصدیق کی ہے۔

پاکستانی پولیس نے سابق وزیر اعظم عمران خان کی پارٹی (پی ٹی آئی)کے متعدد قانون سازوں اور لیڈران کو ان کی رہائی کے مطالبے کیلئے دارالحکومت میں ایک بڑی ریلی نکالنے کے ایک دن بعد چھاپوں میں حراست میں لے لیا۔ بتا دیں کہ ۷۱؍ سالہ سابق کرکٹر اور پاکستان کے سابق وزیر اعظم عمران خان فوجی جرنیلوں کے ساتھ جھگڑے کے بعد ۲۰۲۲ءمیں اپنی برطرفی کے بعد سے ایک سال سے زیادہ عرصے سے جیل میں ہیں۔ 
پولیس نے چار افراد کو حراست میں لیا۔ پارٹی کے ایک ترجمان کے مطابق پارٹی نے کہا کہ۱۳؍ افراد کو اسلام آباد کے مختلف مقامات سے اٹھایا گیا تھاجن میں سے کچھ پارلیمنٹ کے باہر سے بھی تھے۔ میڈیا فوٹیج میں دکھایا گیا ہے کہ پولیس نے قانون سازوں کو پارلیمنٹ کے باہر حراست میں لے کر گاڑیوں میں بیٹھایا جسے پارٹی کے اپوزیشن لیڈرعمر ایوب خان نےقابل مذمت قرار دیا۔ عمران خان کے معاون ذوالفقار بخاری نے ایکس پر ایک پوسٹ میں حراست کو غیر قانونی قرار دیتے ہوئے کہا کہ کل کے بڑے احتجاج نے حکومت کی بنیاد کو ہلا کر رکھ دیا ہے۔ انہوں نے مزید کہا کہ پارٹی کے چیئرمین گوہر خان اور سینئر لیڈر شعیب شاہین اور شیر افضل مروت گرفتار ہونے والوں میں شامل تھے۔

یہ بھی پڑھئے: لندن: مسلم میئر صادق خان اور رشی سونک آن لائن بیہودگی کا سب سے زیادہ نشانہ

فروری میں ہونے والے عام انتخابات میں عمران خان کی پاکستان تحریک انصاف (پی ٹی آئی) پارٹی کے حمایت یافتہ امیدواروں نے سب سے زیادہ نشستیں حاصل کیں تھیں لیکن حکومت بنانے کیلئے درکار اکثریت سے محروم رہے تھے۔ پولیس نے بتایا کہ کریک ڈاؤن ایک دن بعد ہوا جب شہر کے مضافات میں خان کی رہائی کا مطالبہ کرنے کیلئےپارٹی کے اجتماع کے دوران حامیوں اور پولیس کے درمیان جھڑپیں ہوئیں جس میں ایک سینئر پولیس اہلکار زخمی ہو گیا۔ پارٹی نے کہا کہ تشدد اس وقت شروع ہوا جب پولیس نے ایک پرامن اسمبلی کو منتشر کرنے کی کوشش میں آنسو گیس داغے۔ کچھ پارٹی لیڈروں، جیسے شمال مغربی صوبہ خیبر پختونخوا کے وزیر اعلیٰ علی امین گنڈا پور نے ریلی میں حکمران اتحاد اور فوجی تقاریر کو تنقید کا نشانہ بنایا۔ رائٹرز کو بھیجے گئے ایک پیغام میں پولیس کے ترجمان نے کم از کم چار حراستوں کی تصدیق کی ہے، لیکن الزامات یا گرفتاریوں کی تفصیلات کے بارے میں کوئی سرکاری بیان سامنے نہیں آیا۔