فلپائن کے دارالحکومت منیلا کے ضلع چائنا ٹاؤن کی ایک قدیم عمارت کے ایک حصے میں آتشزدگی کے نتیجے میں ۱۱؍ افراد ہلاک ہوئے ہیں۔ ۱۴؍ فائر ٹرکوں کے ذریعے ۲؍ گھنٹے بعد آگ پرقابو پایا جاسکا ہے۔

فلپائن کے دارلاحکومت منیلا کے ضلع چائنا ٹاؤن کی ایک قدیم عمارت کے ایک حصے میں آتشزدگی کے نتیجے میں ۱۱؍ افرادہلاک ہوئے ہیں۔پولیس کے مطابق آتشزدگی کی وجہ معلوم کرنے کیلئے تفتیش جاری ہے۔چائنا ٹاؤن کے گنجان آبادی والے علاقے میں واقع عمارت میں آگ پر قابو پانے کیلئے ۱۴؍ فائر ٹرک تعینات کئے گئے تھے۔

یہ بھی پڑھئے: برطانیہ: ہند نژاد ۱۹ سالہ لڑکی نےبعد ازموت جینے کی کوشش میں موت کا مقدمہ جیت لیا

۲؍ گھنٹے سے زائد وقت کے بعد آگ پر قابو پایا جا سکا ہے۔ اس ضمن میں فائر انویسٹی گیٹر روڈریک اینڈریس نے کہا کہ آگ گراؤنڈ فلور کے ایٹری سے شروع ہوئی تھی اور مہلوکین میں ان کے عملے کے کچھ افراد بھی شامل ہیں۔ انہوں نے مزید کہا کہ زیادہ تر مہلوکین کی لاشیں دوسرے اور تیسرے منزلے سے دریافت کی گئی ہیں اور اب تک کسی کے بھی گمشدہ ہونے کی اطلاعات نہیں ہیں۔

TINGNAN: Sunog sumiklab sa Carvajal St. Binondo, Manila, kung saan ilang katao ang pinangangambahang na-trap sa nasunog na gusali.

🎥: Dagupan Tondo Volunteer Fire Brigade pic.twitter.com/4jGiQBYMyu

— DWIZ Newscenter (@dwiz882) August 2, 2024

اس حوالے سے منیلا کی میئر ہنی لیکونا نے متاثرین کے اہل خانہ سے اظہار تعزیت کرتے ہوئے پرانی عمارتوں کے معائنہ کا حکم جاری کیا ہے تا کہ یہ یقین دہانی کی جا سکے کہ پرانی عمارتیں حفاظتی اصولوں اور معیارات پر پوری اترتی ہوں۔ قبل ازیں حفاظتی معیارات کی کمی کی وجہ سے فلپائن میں مہلک آتشزدگی کے کئی واقعات پیش آئے تھے۔ ان واقعات میں ۱۹۹۶ء میں نائٹ کلب میں آتشزدگی کاواقعہ بھی شامل ہے جس کے نتیجے میں ۱۶۲؍ افراد ہلاک ہوئے تھے جن میں زیادہ تر طلبہ تھے۔