نئی دہلی میں آل انڈیا مجلس اتحاد المسلین کے چیف اور لوک سبھا کے رکن پارلیمان اسد الدین اویسی کی رہائش گاہ پر اسرائیل حامی شرپسندوں نے پوسٹر چسپاں کئے اور سیاہی پھینکی۔ خیال رہے کہ منگل کو اویسی نےلوک سبھا میں حلف لیتے ہوئے فلسطین کے ساتھ ’’اظہار یکجہتی‘‘ کیا تھا۔

نئی دہلی میں اجنبی شرپسندوں نے آل انڈیا مجلس اتحاد المسلمین کے چیف اور لوک سبھا کے رکن پارلیمان اسد الدین اویسی کے گھر میں توڑ پھوڑ کی ہے۔ اطلاعات کے مطابق ۴؍ تا ۵؍اسرائیلی حامی مظاہرین نے رات میں ۹؍ بجے اسد الدین اویسی کے گھر کے داخلی دروازے اور دیوار پر اسرائیل حامی پوسٹر چسپاں کئے تھے۔

یہ بھی پڑھئے: منی لانڈرنگ کیس: جھارکھنڈ ہائی کورٹ نے ہیمنت سورین کو ضمانت دے دی

خبر رساں ایجنسی کے مطابق پولیس حکام کا کہنا ہے کہ پوسٹر میں مختلف نعرے قلمبند تھے جن میں ’’میں اسرائیلی حامی ہوں‘‘ اور ’’اویسی کو معطل کیا جائے‘‘ وغیرہ شامل ہیں۔‘‘

`India-Israel ties` poster on Owaisi`s Delhi home nameplate, black ink smeared

👉 Asaduddin Owaisi criticises Delhi Police, targets Amit Shah

👉 Challenges miscreants to face him directly

👉 Incident follows Owaisi`s controversial Lok Sabha oath when he chanted "Jai Palestine" pic.twitter.com/51M0r4dQXN

— The Webb (@thewebbnews) June 27, 2024

 خیال رہے کہ یہ حادثہ منگل کو اسد الدین اویسی کے لوک سبھا میں نئے رکن پارلیمان کے طور پر حلف لینے کے بعد سامنے آیا ہے۔ اویسی نے غزہ میں اسرائیلی جارحیت کے دوران فلسطینی کے ساتھ اظہار یک جہتی کرتے ہوئے ’’جےفلسطین ‘‘ کہا تھا۔ اپوزیشن لیڈر کی جانب سے جاری کردہ ویڈیو میں دیکھا جا سکتا ہے کہ پولیس شرپسندوں کی جانب سے لگے پوسٹر ہٹا رہی ہے۔

`India-Israel ties` poster on Owaisi`s Delhi home nameplate, black ink smeared

AIMIM chief and Hyderabad MP Asaduddin Owaisi alleged that his Delhi house was vandalized by some "unknown miscreants".#AsaduddinOwaisi #Delhi #AIMIM pic.twitter.com/Qy59gb69Oq

— IndiaToday (@IndiaToday) June 27, 2024

تاہم، اویسی نے اپنے سوشل میڈیا پوسٹ میں لکھا ہے کہ ’’متعدد اجنبی شرپسندوں نے سیاہ سیاہی کے ساتھ میرے گھر میں توڑ پھوڑ کی ہے۔ اب میں نے گنتی کرنا چھوڑ دی ہے کہ دہلی میں میری رہائش گاہ کو کتنی مرتبہ نشانہ بنایا گیا ہے۔جب میں نے دہلی پولیس کے اہلکاروں سے پوچھا کہ یہ ان کی ناک کے نیچے کیسے ہو رہا ہے تو انہوں نے بے بسی کا اظہار کیا۔‘‘ 

Asaduddin Owaisi says Home Minister Amit Shah Defended Delhi Police pic.twitter.com/ANo3Kv505H

— 4tv News Channel (@4tvhyd) March 12, 2020

حیدرآباد کے رکن پارلیمان نے مزید کہا کہ ’’یہ حادثہ مرکزی وزیر داخلہ امیت شاہ کی ناک کے نیچے پیش آیا۔ پولیس نے وزارت داخلہ کو بھی اس حوالے سے مطلع کیا تھا۔ خیال رہے کہ اسد الدین اویسی نے لوک سبھا کے اسپیکر اوم برلا سے کہاتھا کہ وہ اپوزیشن کے رکن پارلیمان کی حفاظت کی یقین دہانی کروائیں۔ ‘‘

AIMIM chief Asaduddin Owaisi’s home on Delhi`s high-security Ashoka Road was vandalized with black ink by Hindutva men. They also put up "I stand with Israel" posters while chanting "Jai Shri Ram."

pic.twitter.com/bk0TBP2JBF

— Nurul Alom Choudhury (@NurulAlomChoud8) June 27, 2024

اسد الدین اویسی نے مزید کہا کہ ’’میرے گھر کو نشانہ بنایا گیا، میں اس سے خوفزدہ نہیں ہونے والا۔‘‘ انہوں نے مزید کہا کہ یہ ’’ہندوتوا نظریہ وی ڈی‘‘ ساورکر جیسا بزدلانہ رویہ اختیار کرنا بند کریں اور انسانون کی طرح میرا سامنا کرنے کی ہمت اپنے اندر پیدا کریں۔ سیاہی پھینکے اور چند پتھر پھینکنے کے بعد مت بھاگئے۔‘‘