نیویارک پولیس نے کولمبیا یونیورسٹی کے متعدد طلبہ کو فلسطینی حامی احتجاج کیلئے حراست میں لیا ہے۔ متعدد عوامی شخصیات نے یونیورسٹی کی اس کارروائی کی سخت مذمت کی۔ یونیورسٹی کے صدر نعمت شفیق نے کہا کہ بدھ کو طلبہ کومتنبہ کیا گیا تھا کہ اگر انہوں نے خیمے نہیں ہٹائے تو انہیں معطل کیا جائے گا۔

نیو یارک پولیس نے کولمبیا یونیورسٹی کے طلبہ کو اس وقت حراست میں لیا جب وہ فلسطین کی حمایت اور غزہ میں اسرائیلی جارحیت کے خلاف احتجاج کر رہے تھے۔ احتجاج میں موجود متعدد طلبہ نے جمعرات کو کہا کہ انہیں کو لمبیا یونیورسٹی اور برنارڈ کالج سے معطل کر دیا گیا ہے۔ جن طلبہ کو معطل کیا گیا ہے ان میں اسراء ہیرسی، جومینیسوٹاسے امریکی نمائندہ الحان عمر کی بیٹی ہیں، بھی شامل تھیں۔ 

ARRESTS HAVE BEGUN. COLUMBIA UNIVERSITY HAS BEGUN ARRESTING THE STUDENTS IN THE GAZA SOLIDARITY ENCAMPMENT. SHAME ON COLUMBIA AND MINOUCHE SHAFIK. HISTORY WILL REMEMBER YOU ON THE SIDE OF GENOCIDE!!!! pic.twitter.com/3yiKIpO5nZ

— sebas 🇵🇸🇸🇩🇨🇩🇵🇬 (@cybersebb) April 18, 2024

کانگریسی ویمن نے کولمبیا کے صدر نعمت شفیق سے بدھ کو اسکول کے فلسطینی حامی طلبہ کو نشانہ بنائے جانے کے تعلق سےسوال قائم کیاتھا۔ احتجاج کی قیادت کرنے والی طالبہ نے کہا کہ اسراءہیرسی کو بھی حراست میں لیاگیا ہے۔ کولمبیا یونیورسٹی کے طلبہ بدھ سے کیمپس میں احتجاج کر رہے ہیں۔

یہ بھی پڑھئے: اسرائیل کی بمباری سے غزہ کانقشہ بدل گیا، پورا علاقہ کھنڈر میں تبدیل

طلبہ کا مطالبہ ہے کہ یونیورسٹی ایسی کمپنیوں سے علیحدگی اختیار کرے جنہیں غزہ میں اسرائیل کی فوجی کارروائیوں اور نسلی امتیاز سے منافع حاصل ہو رہا ہے۔

UPDATE: A massive group of students have surrounded the Columbia University Palestine solidarity encampment to express their support for the protesters pic.twitter.com/WN6yc7MSac

— BreakThrough News (@BTnewsroom) April 18, 2024

شفیق نے ایک بیان جاری کیا ہے جس میں انہوںنے طلبہ کو بدھ کو متنبہ کیا تھا کہ اگر انہوں نے یونیورسٹی کے کیمپس میں احتجاجاً جو خیمے لگائے ہیں اگر وہ ہٹائے نہیں گئے تو انہیں معطل کر دیا جائے گا۔ پولیس نے بھی اس بات کی تصدیق کی ہے کہ انہوں نے متعدد طلبہ کو جمعرات کی شام حراست میں لیا تھا اور انہوں نے جو خیمے لگائے تھے انہیں ہٹائے تھے۔

Police arrested more than 100 pro-Palestinian students protesting at New York`s Columbia University on Thursday pic.twitter.com/IM0wDMLAMj

— S p r i n t e r F a c t o r y (@Sprinterfactory) April 19, 2024

پولیس نے یہ واضح نہیں کیا ہے کہ کتنے طلبہ کو حراست میں لیاگیا ہے اور انہیں کسی طرح کی کوئی کارروائی کا سامنا کرنا پڑے گایا نہیں۔ ویڈیو میں دیکھا جا سکتا ہے کہ کیمپس میں پولیس داخل ہوئی ہے اورانہوں نے طلبہ کو حراست میں لیا اوران کے ذریعے لگائے گئے خیموں کو بھی ہٹایا۔ پولیس کو کیمپس میں داخل ہوتا دیکھ کر طلبہ کی کثیر تعداد کو بھاری آواز میں چیختے ہوئے سناجا سکتا ہے۔احتجاج کی منتظم نے یونیورسٹی کی اس کارروائی کی سخت مذمت کی ہے۔

یہ بھی پڑھئے: لوک سبھا الیکشن: دوسرے مرحلے کے ۲۱؍ فیصد امیدواروں کیخلاف مجرمانہ مقدمات درج ہیں

انسٹی ٹیوٹ فار مڈل ایسٹ انڈرسٹینڈنگ کے ترجمان روزی فٹزجیرالڈ نے ایک بیان میں کہا کہ ’’ہم ان طلباء کیلئےمعافی کا مطالبہ کرتے ہیں جو خیمہ زنی اور فلسطین کی آزادی کیلئے اس تحریک میں ملوث تھے۔
امریکہ میں عوامی غصہ بڑھ گیا ہے کیونکہ متعدد دانشمند افراد اور عوامی شخصیات نے کولمبیا یونیورسٹی کی طلبہ کے خلاف اتنی سخت کارروائی کی مذمت کی ہے۔امریکی مصنفہ سارہ کینڈزیورنے کولمبیا یونیورسٹی میں پولیس کی کارروائی کی مذمت کی ہے۔ انہوں نے کہا کہ میں نے وہ وقت یاد کیا جب کولمبیا یونیورسٹی نے مجھے سابق سوویت یونین میں آمریت اور اختلاف پر بات چیت کرنے کیلئے مدعو کیا تھا۔