ایم پی سی کی مانیٹری پالیسی کا اعلان کرتے ہوئے آر بی آئی کے گورنر شکتی کانت داس نے کہا کہ مالیاتی سیکٹر کا منظر نامہ لیڈنگ ٹیکنالوجیزکی آمد کے ساتھ ایک مثالی تبدیلی کا مشاہدہ کر رہا ہے۔

ریزرو بینک آف انڈیا (آر بی آئی) نے مالیاتی شعبے میں اے آئی (مصنوعی ذہانت) کے ذمہ دارانہ اور اخلاقی طور پر درست استعمال کیلئے ایک فریم ورک کا خاکہ تیار کرنے کیلئے ایک کمیٹی کی تشکیل کا اعلان کیا۔ 
 مانیٹری پالیسی کمیٹی (ایم پی سی) کی ۳؍ روزہ میٹنگ کے بعد رواں مالی سال کی پانچویں دو ماہی مانیٹری پالیسی کا اعلان کرتے ہوئے آر بی آئی کے گورنر شکتی کانت داس نے جمعہ کو کہا کہ مالیاتی سیکٹر کا منظر نامہ لیڈنگ ٹیکنالوجیزکی آمد کے ساتھ ایک مثالی تبدیلی کا مشاہدہ کر رہا ہے۔ مصنوعی ذہانت، مشین لرننگ، ٹوکنائزیشن، کلاؤڈ کمپیوٹنگ جیسی ٹیکنالوجیز مالیاتی شعبے کیلئے تبدیلی کی صلاحیت رکھتی ہیں کیونکہ وہ بہت زیادہ ڈیٹا کو سنبھال سکتی ہیں، پیچیدہ عمل کو خودکار بنا سکتی ہیں، فیصلہ سازی کو بہتر بنا سکتی ہیں اور بے مثال کارکردگی لا سکتی ہیں۔ اگرچہ بہت سے فوائد ہیں، لیکن بہت سے خطرات بھی ہیں جیسے الگوردھمک تعصب، فیصلوں کی تشریح، ڈیٹا کی رازداری وغیرہ۔ 

یہ بھی پڑھئے:’’ بابری مسجد کیس کا فیصلہ انصاف کے نام پر دھوکہ ہے‘‘

داس نے کہا کہ اس سمت میں ایک قدم کے طور پر مالیاتی شعبے میں اے آئی کے ذمہ دارانہ اور اخلاقی استعمال کیلئے ایک معروضی فریم ورک تیار کرنے کیلئے ایک کمیٹی تشکیل دینے کی تجویز ہے۔ یہ کمیٹی مختلف شعبوں کے ماہرین پر مشتمل ہوگی اور مالیاتی شعبے کیلئے ایک مضبوط، جامع اور موافقت پذیر ایس آئی فریم ورک کی سفارش کرے گی۔ کمیٹی کی تفصیلات الگ سے مطلع کی جائیں گی۔ 
 ریزرو بینک کے گورنر نے کہا کہ آر بی آئی بینکوں اور دیگر اسٹیک ہولڈرس کے ساتھ مل کر مالیاتی شعبے میں ڈیجیٹل فراڈ کو روکنے اور کم کرنے کیلئے مختلف اقدامات کر رہا ہے۔ ان میں سائبر سیکوریٹی، سائبر فراڈ کی روک تھام اور لین دین کی نگرانی کو مضبوط بنانے کیلئے ریگولیٹڈ اداروں کو مرکزی بینک کی ہدایات شامل ہیں۔ فریب دہی کرنے والوں کیلئے فریب دہی کے ذریعے کمائی کرنے کیلئے منی مائل اکاؤنٹس کا استعمال ایک عام طریقہ ہے۔ آر بی آئی فی الحال ’زیرو فنانشل فراڈس‘ کے تھیم پر ایک ہیک تھون چلا رہا ہے جس میں میول اکاونٹس پر ایک مخصوص مسئلہ شامل ہے تاکہ میول اکاونٹس کے استعمال کو روکنے کیلئے اختراعی حل تیار کرنے کی حوصلہ افزائی کی جا سکے۔ اس سمت میں ایک اور پہل ایک اے آئی-مشین لرننگ پر مبنی ماڈل ہے جسےمیول ہنٹر اے آئی کہا جاتا ہے۔