سونے کی قیمتوں میں مسلسل اضافے کے مد نظر رولیکس نے اپنی گھڑیوں کی قیمت میں بھی اضافہ کر نے کا فیصلہ کیا ہے۔ ہر سال کی طرح کمپنی نے جنوری میں اپنی گھڑیوں کی قیمتوں میں اضافہ کیا، لیکن امسال یہ اضافہ گزشتہ سال کے مقابلے میں زیادہ ہے۔

دنیا کے اعلیٰ اور امیر ترین طبقہ میں مشہور گھڑی ساز کمپنی رولیکس نے اپنی گھڑیوں کی قیمت میں اضافہ کر دیا ہے۔بلومبرگ نے رولیکس کی فرانسیسی ویب سائٹ سے گھڑی کی قیمتوں کا حوالہ دیتے ہوئے رپورٹ کیا کہ سوئس گھڑی ساز کمپنی نے یکم جنوری کو سونے سے بنے کچھ ماڈلز کی قیمتوں میں ۸؍ فیصد تک اضافہ کیا۔۲۰۲۴ء میں سونے کی قیمتوں میں ۳۰؍ فیصد تک اضافہ درج کیا گیا۔رولیکس نے جن ماڈل کی قیمتوں میں اضافہ کیا ہے وہ ۴۰؍ ملی میٹریلو گولڈ ڈے ڈیٹ ہے جس کی سابقہ قیمت (۴۱۰۰۰؍ یورو )ہندوستانی کرنسی میں تقریباً ۳۶؍ لاکھ ۳۶؍ ہزار ۷؍ سو روپئے تھی، جو اب (۴۴۲۰۰؍ یورو )تقریباً  ۳۹؍ لاکھ ۲۰؍ ہزار ۵؍ سو ۴۰؍ روپئے ہو گئی ہے۔اس کے علاوہ یلو گولڈ جی ایم ٹی ماسٹر دوم جس کی سابقہ قیمت (۴۱۳۰۰؍ یورو ) تقریباً  ۳۶؍ لاکھ ۶۳؍ ہزار، ۳؍ سو ۱۰؍ تھی اب (۴۴۶۰۰؍ یورو ) ۳۹؍ لاکھ ، ۵۶؍ ہزار، ۲۰؍ روپئے ہو گئی ہے۔

یہ بھی پڑھئے: ایپل کا سیری کو خفیہ طور پر فعال کرنے پر ۹۵؍ ملین ڈالر جرمانہ ادا کرنے پر اتفاق

واضح رہے کہ رولیکس کمپنی اپنی گھڑیوں کی قیمتوں میں ہر سال ماہ جنوری میں اضافہ کرتی ہے۔ لیکن امسال یہ اضافہ گزشتہ سال کے مقابلے میں زیادہ ہے۔رولیکس کی گھڑیوں کی شروعاتی قیمت ۶؍ لاکھ ۱۲؍ ہزار سے لیکر کروڑوں تک ہوتی ہے۔عالمی بازار میں سونے کی مانگ میں اضافےکے سبب اس کی قیمت میں اضافہ ہوا، جس کی وجہ یہ ہے کہ جغرافیائی سیاسی کشیدگی کے حالات میں سونا مستحکم اثاثے کی طور پر دیکھا جا تا ہے۔ ورلڈ گولڈ کونسل کے مطابق ۲۰۲۴ء میں ترکی چین ، ہندوستان، اور چین کے کرکزی بینکوں نے پہلی ششماہی میں ۴۸۳؍ ٹن سونا خریدا۔