رکن اسمبلی ثنا نواب ملک نے چیتا کیمپ اور مہاراشٹر نگر کی جانب جانے والے خستہ حال سب وے کا معاملہ جمعرات کو ناگپور میں اسمبلی میں اٹھایا۔

رکن اسمبلی ثنا نواب ملک نے چیتا کیمپ اور مہاراشٹر نگر کی جانب جانے والے خستہ حال سب وے کا معاملہ جمعرات کو ناگپور میں  اسمبلی میں اٹھایا اور ان علاقوں کو  مین روڈ سے جوڑنے والے فلائی اوور کا کام جو ریلوے کی این او سی  نہ ملنے کی وجہ سے رکا ہوا ہے اسے جلد سے جلد پورا کرنے کا مطالبہ کیا۔ثنا ملک نے تحریک التوا کے نوٹس کے ذریعے  بتایا کہ ان کے اسمبلی حلقے انوشکتی نگر میں واقع چیتا کیمپ اور مہاراشٹر نگر میں تقریباً ایک لاکھ شہری آبادہیں، ان کی آمد و رفت کیلئے ایک سب وے ہے جس کی حالت

یہ بھی پڑھئے: گیٹ وے حادثہ :عارف محمد۳۵؍ مسافروں کیلئے مسیحا ثابت ہوئے

بہت خراب ہےاور بارش میں یہاں سے گزرنا انتہائی دشوار ہو جاتا ہے۔ انہوں نے کہا کہ مہاراشٹر نگر کے قریب میٹرو کار شیڈ کا بھی کام جاری ہے اسکے علاوہ وہاں ایک جیل کیلئےجگہ مختص ہے۔مستقبل میں اگر یہ دونوں پروجیکٹ مکمل ہو جاتے ہیں تو وہاں جانے کیلئے راستہ کا بڑا مسئلہ ہو سکتا ہے۔