سعودی عرب کے شاہ سلمان بن عبدالعزیز نے رمضان کے دوران۱۰۲؍ ملکوں میں ۷۰۰؍ٹن کھجوروں کی تقسیم کے پروگرام کی منظوری دی ہے۔ یہ مقدار گزشتہ برس سے۲۰۰؍ ٹن زیادہ یے۔

سعودی عرب کے شاہ سلمان بن عبدالعزیز نے رمضان کے دوران۱۰۲؍ ملکوں میں ۷۰۰؍ٹن کھجوروں کی تقسیم کے پروگرام کی منظوری دی ہے۔ وزارت اسلامی امور و دعوت ورہنمائی کے زیر انتظام خادم حرمین شریفین گفٹ پروگرام کے تحت ۷۰۰؍ٹن کھجوریں تقسیم کی جائیں گی جو گزشتہ برس سے۲۰۰؍ ٹن زیادہ ہیں۔ ایس پی اے کے مطابق یہ کھجوریں دنیا میں سعودی سفارتخانوں، وزارت اسلامی امور اور مذہبی اتاشیوں کے ذریعے تقسیم کی جائیں گی۔ 

یہ بھی پڑھئے: غزہ: جنگ کے بعد اسپتالوں میں آکسیجن کی شدید قلت: وزارت صحت نے خبردار کیا

سعودی وزیر اسلامی امور شیخ عبدللطیف بن عبدالعزیز آل شیخ نے خصوصا رمضان کے دوران اس پروگرام پر سعودی قیادت کا شکریہ ادا کیا۔ وزارت نے رمصان۲۰۲۵ء کے دوران اس پروگرام سے فائدہ اٹھانے والے ملکوں میں کھجوروں کی فراہمی کیلئے لاجسٹک تیاریوں کو حتمی شکل دی ہے۔