سعودی حکومت نے خانۂ کعبہ کے نئے کلید بردار کا اعلان کیا ہے۔ اب یہ ذمہ داری عبدالوہاب بن زین العابدین الشیبہ کے کندھوں پر ہوگی۔ واضح رہے کہ ۲۲؍ جون کی صبح کعبہ کے کلید بردار شیخ صالح الشیبہ کا انتقال ہوگیا تھا۔

انسائیڈ دی حرمین کےایک ایکس پوسٹ کے مطابق پیر، ۲۴؍ جون کو عبدالوہاب بن زین العابدین الشیبہ کو خانۂ کعبہ کے نئے کلید بردار کے طور پر مقرر کیا گیا ہے۔ واضح رہے کہ ۲۲؍ جون کو صحابی رسولﷺ حضرت عثمان بن طلحہؓ کے ۱۰۹؍ ویں جانشین اور کعبہ کے ۱۰۹؍ ویں ولی عہد شیخ صالح الشیبہ کے انتقال کے بعد یہ اعلان کیا گیا ہے۔ 

یہ بھی پڑھئے: سعودی عرب: خانۂ کعبہ کی مرکزی کنجی کے ۱۰۹؍ ویں محافظ انتقال کرگئے

اس موقع پر نو منتخب کلید بردار نے کہا کہ ’’خدا مجھے حرمین شریفین کے متولی اور اس کے ولی عہد کی حکومت کے تحت اس فرض کو انجام دینے میں کامیابی عطا فرمائے۔‘‘

Video: Ceremony of handing over the key of the Holy Kaaba to the 78th ruler, Abdul Wahab bin Zain Al-Abidin Al-Shaibi. It is customary to hand over the key of the Kaaba to the eldest in the family, and his first task will be to hand over the Kiswah of the Kaaba pic.twitter.com/AOcG3tUbIt

— The Holy Mosques (@theholymosques) June 24, 2024

واضح رہے کہ خانۂ کعبہ کی چابی (کلید) خاندان کے سب سے بڑے شخص کے حوالے کرنے کا رواج ہے۔ نئے کلید بردار کا پہلا کام خانۂ کعبہ کے کسوہ کو سونپنا اور محرم کی پہلی تاریخ کو اسےپہنانا ہوگا۔