شیئر مارکیٹ میں کاروبار کے پہلے دن ۱۲۷۲؍پوائنٹس کی گراوٹ۔ نفٹی انڈیکس بھی نیچے آیا۔ سرمایہ کاروں نے شیئرس فروخت کئے۔

دنیا بھر کے بازاروں میں خوف کا احساس گھریلو بازار میں بھی نظر آیا۔ گھریلو ایکویٹی بینچ مارک انڈیکس بی ایس ای سینسیکس اور نفٹی ۵۰؍ دونوں میں گراوٹ آئی۔ ایک کاروباری دن پہلے انٹرا ڈے میں سینسیکس ۸۶؍ ہزار اور نفٹی۲۶۳۰۰؍ کے قریب پہنچ گیا تھا۔ پیرکو انٹرا ڈے میں سینسیکس ۸۴۳۰۰؍ اور نفٹی ۲۵۸۰۰؍ سے نیچے چلا گیا۔ مارکیٹ کی اس خونی ہولی میں سرمایہ کاروں کو ۳ء۵۷؍ لاکھ کروڑ روپے کا نقصان ہوا۔ بی ایس ای پر درج کمپنیوں کی مارکیٹ کیپ میں ۳ء۵۷؍ لاکھ کروڑ روپے کی کمی واقع ہوئی ہے۔ پیر کو بی ایس ای سینسیکس۱۲۷۲ء۰۷؍ پوائنٹس یا۱ء۴۹؍ فیصد کی گراوٹ کے ساتھ ۸۴۲۹۹ء۷۸؍ پر بند ہوا اور نفٹی ۳۶۸ء۱۰؍ پوائنٹس یا ۱ء۴۱؍ فیصد کی گراوٹ کے ساتھ ۲۵۸۱۰ء۸۵؍ پر بند ہوا۔ انٹرا ڈے میں، سینسیکس ۸۴۲۵۷ء۱۴؍ پر اور نفٹی ۲۵۷۹۴ء۱۰؍ تک پھسل گیا تھا۔ 
 سیکٹر کے لحاظ سے بات کریں تو میڈیا اور دھاتی اسٹاک نے مارکیٹ کو کنٹرول کرنے کی کوشش کی اور ان کے نفٹی انڈیکس ہر ایک میں ایک فیصد سے زیادہ کے اضافے کے ساتھ بند ہوئے۔ تاہم باقی سیکٹر سے سپورٹ نہیں ملا۔ نفٹی آٹو ۲؍ فیصد سے زیادہ گر گیا۔ اس کے علاوہ بینکنگ، فارما اور ریئلیٹی کے انڈیکس بھی ایک فیصدسے زیادہ گرے۔ 

یہ بھی پڑھئے:ہماچل میں ایک اور مسجد کیخلاف ہنگا مہ، انتظامیہ سخت

ایک تجارتی دن پہلے یعنی۲۷؍ ستمبر۲۰۲۴ء کو، بی ایس ای پر درج تمام حصص کی کل مارکیٹ کیپ۴۷۷۹۳۰۲۲ء۶۸؍ کروڑ روپے تھی۔ پیر کو ایکویٹی مارکیٹ ٹریڈنگ کے اختتام پر یہ ۴۷۴۳۵۱۳۷ء۱۵؍ کروڑ روپے تک گر گیا۔ اس کا مطلب ہے کہ سرمایہ کاروں کے سرمائے میں ۳۵۷۸۸۵ء۵۳؍ کروڑ روپے کی کمی ہوئی ہے۔ سینسیکس پر۳۰؍ حصص درج ہیں، جن میں سے صرف۵؍ گرین زون میں بند ہوئے۔ سب سے زیادہ فائدہ جے ایس ڈبلیو، این ٹی پی سی اور ٹاٹا اسٹیل کو ہوا۔ دوسری طرف ریلائنس، ایکسس بینک اور ایم اینڈ ایم میں سب سے زیادہ کمی دیکھی گئی۔ تصاویر میں آپ سینسیکس پر درج تمام حصص کی تازہ ترین قیمتیں اور آج کے اتار چڑھاؤ کی تفصیلات دیکھ سکتے ہیں۔ 
 اس دوران بی ایس ای میں کل ۴۱۹۳؍ کمپنیوں کے حصص کا کاروبار ہوا جن میں سے ۲۲۲۳؍ میں فروخت ہوئی، ۱۸۱۹؍ میں خریداری ہوئی جبکہ۱۵۱؍کمپنیوں میں کوئی تبدیلی نہیں ہوئی۔ اسی طرح نفٹی کی۴۱؍ کمپنیاں سرخ جب کہ دیگر ۹؍ سبزنشان پر رہیں۔ بازار کے تجزیہ کاروں کے مطابق مستقبل قریب میں مارکیٹ مضبوط ہونے کا امکان ہے۔ غیر ملکی پورٹ فولیو سرمایہ کاروں (ایف پی آئی) کو متاثر کرنے والا ایک اہم عنصر چینی اسٹاک کی بہتر کارکردگی ہے، جو ستمبر میں ہینگ سینگ انڈیکس میں تقریباً ۱۸؍ فیصد کے بڑے اضافے سے ظاہر ہوتا ہے۔ یہ اچھال چینی حکام کی طرف سے اعلان کردہ مانیٹری اور مالیاتی محرک کے جواب میں چینی معیشت میں بحالی کی توقعات سے متاثر ہے۔