ہماچل پردیش میں ہندو تنظیموں کی جانب سےسنجولی مسجد کے انہدام کا مطالبہ کرتے ہوئے انتظامیہ پر دبائو بنانے کیلئے بی جے پی نے مظاہرے کا اعلان کیا، جس کے نتیجے میں علاقے میں کشیدگی پھیل گئی ہے، علاقے میں نظم و نسق کی صورتحال برقرار رکھنے کیلئےبڑی تعداد میں پولیس اہلکار تعینات کئے گئے ہیں۔جبکہ علاقے میں دفعہ ۱۶۳؍ نافذ ہے۔

ہماچل پردیش میں ہندوتنظیموں کی جانب سے سنجولی کی مسجد کی تعمیر کے خلاف احتجاج کے مد نظر شملہ انتظامیہ نے بڑے پیمانے پر حفاظتی دستوں کو تعینات کیا ہے، پیشگی احتیاط کے طور پر حکام نےبھارتی ناگرک سرکشا سنہیتا ۲۰۲۳ء کی دفعہ ۱۶۳؍ نافذ کر دی ہے، جس کے تحت بلا اجازت پانچ یا اس سے زیادہ افراد کے اجتماع پر پابندی ہوگی ، اسی کے ساتھ ہتھیار لے کر چلنا بھی منع ہوگا۔ علاقے میں امن قائم رکھنے کیلئے انتظامیہ نے ۱۰۰۰؍ پولیس اور فوری رسپانس ٹیم کے اہلکار تعینات کئے ہیں، شہر میں داخلے کے تمام مراکز پر رکاوٹ کھڑی کردی گئی ہے تاکہ کسی بھی فسادی کو شہر میں داخل ہونے سے روکا جا سکے،اس کے علاوہ تمام مظاہروں ، جلوس اور احتجاج پر پابندی عائد کر دی گئی ہے۔

یہ بھی پڑھئے: ملائیکا اروڑہ کے والد انیل اروڑہ کی ٹیرس سے چھلانگ لگا کر خودکشی

واضح رہے کہ ہندو انتہا پسندوں نے سنجولی کی مسجد کے انہدام کے ساتھ شملہ میں باہر سے ملازمت کرنے آئے افراد کے رجسٹریشن  کا مطالبہ کیا تھا۔گزشتہ ہفتہ بی جے پی نے مسجد کی عمارت کے اضافی منزلوں کے انہدام کا مطالبہ کرتے ہوئے مسجد کے باہر ہی مظاہرہ کیا تھا۔ سنجولی مسجد معاملہ شہری بلدیہ کمشنر کی عدالت میں زیر سماعت ہے۔جس کی شنوائی سنیچر کو ہوئی، جس میں مسجد کے غیر قانونی حصہ کے متعلق بحث ہوئی،اوراس معاملے کی آئندہ سماعت ۵؍ اکتوبر کو ہوگی۔ شہری ادارے کی نمائندگی کرنے والے راہل شرمانے بتایا کہ اس معاملے میں وقف بورڈ کو بھی فریق بنایا گیا ہے۔وقف بورڈ نے اپنے بیان میں کہا کہ مسجد کی تعمیر میں تمام ضوابط کو ملحوظ رکھا گیا ہے، جبکہ انہوں نے کسی بھی قسم کے دستاویز پیش نہیں کئے۔

Cowardice act by BJP goons,

When they failed to topple Congress government in Himachal Pradesh, they’re trying to communalise the state and resorting to violence against state police.

Several police officers have been injured in an attack by BJP goons. pic.twitter.com/tnOs1nPo71

— Shantanu (@shaandelhite) September 11, 2024

ہماچل پردیش کے وزیر اعلیٰ سکھوندر سنگھ سوکھو نے عوام سے اپیل کی ہے کہ وہ ریاست میں نظم و نسق کی صورت حال کو قائم رکھیں، ساتھ ہی کہا کہ عوام کو پر امن احتجاج کرنے کا حق ہے، لیکن خبر دار کیا ہے کہ اس معاملے کو سیاسی رنگ نہ دیا جائے۔اور ایسے کسی بھی عمل سے بچا جائے جس کے سبب دوسروں کو پریشانی کا سامنا کرنا پڑے۔