سوڈان کی ریڈ سی اسٹیٹ میں مسلسل ہورہی تیز بارش کے نتیجے میں علاقے کا عربات بند ٹوٹ گیا جس کے نتیجے میں بڑے پیمانے پر تباہی ہوئی ہے۔ مقامی حکام کے مطابق پانی کے تیز بہائو کے سبب ۶۰؍ افراد ہلاک جبکہ متعدد لاپتہ ہیں۔ ساتھ ہی وہ وسائل بھی تباہ ہوگئے جو بے گھر افراد کی امداد کیلئے استعمال ہوتے تھے۔

سوڈان کی وزارت صحت کے مطابق ملک کےمشرقی حصے میں واقع ریڈ سی اسٹیٹ  میں ہونے والی موسلا دھار بارش کے نتیجے میں عربات بند ٹوٹ گیا، جس کے نتیجے میں درجنوں افراد پانی کے تیز بہائو میں بہہ گئے، جن کاابھی تک کوئی پتہ نہیں چل سکا۔ریڈ سی اسٹیٹ کے حکام کے مطابق اس بند کے ٹوٹنے سے علاقے میں موجود وہ تمام وسائل برباد ہو گئے جو بے گھر افراد کی امداد کیلئے

یہ بھی پڑھئے: غزہ: اسرائیلی فوجی کے ذریعے قرآنی نسخہ نذرآتش کرنے کی سخت مذمت

استعمال کئے جاتے تھے۔ بیان میں کہا گیا ہے کہ کم از کم ۴؍ افراد کی ہلاکت کی تصدیق ہو چکی ہے،لیکن لا پتہ افراد کی کوئی حتمی تعداد ظاہر نہیں کی۔البتہ مقامی حکام نے سوڈانی نیوز سائٹ ال تغیر کو بتایا کہ ان کے مطابق پانی کے تیز بہائو میں تقریباً ۶۰؍ افراد ہلاک اور کئی لا پتہ ہیں ۔ریڈ سی اسٹیٹ کے آبیاری وزیر عمر عیسیٰ طاہر کے مطابق علاقے میں بڑے پیمانے پر تباہی ہوئی ہے۔