سویڈن میں اظہاررائے کی آزادی کے نام پر مسلمانوں کی مقدس کتاب قرآن مجید کو اسٹاک ہوم کی مرکزی مسجد کے سامنے پولیس کی حفاظت میں نذر آتش کرنے والے سلوان مومیکا کو بدھ کی شام اسٹاک ہوم کے شہر ر سوڈرٹالجے کے ایک اپارٹمنٹ میں گولی مار کر قتل کر دیا گیا۔

بی بی سی کی خبر کے مطابق سویڈن کے شہر اسٹاک ہوم کی مرکزی مسجد کے باہر ۲۰۲۳ء میں اسلام کی مقدس کتاب کو نذر آتش کرنے والے شخص سلوان مومیکا کو بدھ کی شام کو اسٹاک ہوم کے شہر سوڈر ٹالجے کے ایک اپارٹمنٹ میں قتل کر دیا گیا۔پولیس کے بیان کےمطابق ۴۰؍ سالہ ایک شخص کو گولی مارکر ہلاک کرنے کے سلسلے میں پانچ افراد کو حراست میں لیا گیا ہے۔حالانکہ پولیس نے اس شخص کا نام ظاہر نہیں کیا۔ مقامی میڈیا نے بتایا کہ مومیکا کو اس وقت گولی ماری گئی جب وہ سوشل میڈیا پر براہ راست اسٹریمنگ کر رہا تھا۔عراق سے تعلق رکھنے والے مومیکا پراگست ۲۰۲۳ء میں ایک فرقہ کے خلاف  چار مواقع پر مہم چلانے کے سبب مقدمہ چل رہا تھا، اور بدھ کو اس کا فیصلہ سنایا جانا تھا۔ اس بات کی تصدیق کرتے ہوئے کہ مدعی علیہ کی موت ہو گئی ہے، فیصلہ ملتوی کردیا گیا۔خبروں کے مطابق وزیر اعظم الف کرسٹرسن نے کہا کہ سویڈن کی سیکورٹی سروس تحقیقات میں شامل ہیں کیونکہ واضح طور پر یہ ایک غیر ملکی طاقتوں کی مدد سے کیا گیا حملہ تھا ۔

یہ بھی پڑھئے: سیٹیلائٹ امیج کے مطابق غزہ میں اسرائیلی ٹینکوں نےاسٹار آف ڈیوڈ کی علامت کندہ کی

واضح رہے کہ مومیکا کے ذریعے کئے گئے مذموم فعل کے سبب کئی مسلم ممالک میں غم و غصہ پھیل گیا، بغداد میں سویڈن کے سفارتخانے میں دو بار ہنگامہ آرائی ہوئی، ساتھ ہی سویڈن کے سفیر کو بغداد سے نکال دیا گیا تھا۔ مومیکا کو مقدس کتاب نذر آتش کرنے کی اجازت سویڈن کی پولیس نے نام نہاد اظہار رائے کی آزادی  کے قوانین کے نام پر دی تھی۔ حالانکہ اس واقعہ کی سخت مخالفت کے بعد حکومت نے اس قسم کے مظاہرے کو ختم کرنے کیلئے قانونی راستہ تلاش کرنے کا وعدہ کیا تھا، جس میں کسی خاص قسم کی تحریر کو جلانے پر پابندی عائد کرنا بھی شامل تھا۔