تلنگانہ کے ضلع منچریال کے کانپالی گاؤں میں ہندوتوا گروپ نے مدر ٹریسا انگلش میڈیم اسکول میں توڑ پھوڑ کی اور جے شرم رام کے نعرے لگائے۔ ہجوم نے اسکول کے فادر اور پادری کو بھی زدوکوب کیا اور اسکول انتظامیہ پر ہندو طلبہ کو مذہبی لباس زیب تن نہ کرنے دینے کا الزام عائد کیا۔ اسکول انتظامیہ نے ہجوم کے خلاف ایف آئی آر درج کی جبکہ پولیس نے اسکول انتظامیہ پر مذہبی جذبات مجروح کرنے کا کیس درج کیا ہے۔

تلنگانہ کے منچریال ضلع میں ایک ہندوتوا گروپ نے ۱۶؍اپریل کو جے شری رام کے نعرے لگاتے ہوئے تلنگانہ میں ایک کیتھولک اسکول میں توڑ پھوڑ کی ہے اور پادری پر بھی حملہ کیا ہے۔ زعفرانی ہجوم نے ضلع کے کانپالی گاؤں کی مدرٹریسا اانگلش میڈیم اسکول میں توڑ پھوڑ کی،انہوں نے اسکول کی کھڑکیوں کے شیشے اور گلدان توڑ ے اور مرکزی گیٹ پر موجود مدر ٹریسا کے مجسمے پر پتھر برسائے۔ 
ہجوم نے اسکول کے فادر جیمس جوزف پر بھی حملہ کیا۔ اسکول کے پادری ،جو ایم سی بی سی کے ممبر بھی ہیں، نے بتایا ہے کہ ہجوم میں سے کچھ افراد نے مجھے تھپڑ جبکہ کچھ نے مکے مارے اور دیگر نے پیچھے سے مجھ پر حملہ کیا۔

Chanting `Jai Sri Ram`, a mob attack Catholic school in Mancherial, #Telengana. Mother Theresa statue vandalized.@NewIndianXpress @XpressHyderabad @Kalyan_TNIE @santwana99 #School pic.twitter.com/4qtDB1DBkN

— Sri Loganathan Velmurugan • TNIE  (@sriloganathan6) April 18, 2024

ہندو ہجوم نے اسکول انتظامیہ پر ہندو طلبہ کو اپنے روایتی لباس پہنے کی اجازت نہ دینے کا الزام عائد کیا ہے جبکہ اسکول انتظامیہ نے ان الزامات کو گمراہ کن قرار دیا ہے۔

یہ بھی پڑھئے: وزیراعظم کا مقصد ریزرویشن ختم کرنا ہے: پرینکا

اسکول کے پرنسپل نے بتایا ہے کہ قبل ازیں وہ طلبہ جنہوں نے روایتی لباس زیب تن کیاتھا ، نے انہیں بتایا تھا کہ وہ ان کے ۲۱؍ دن پر مبنی مذہبی رسم و رواج کا حصہ ہے۔ پرنسپل کے مطابق انہوں نے طلبہ سے صرف اتنا کہاتھا کہ وہ اپنے والدین کو اسکول لے کرآئیں تا کہ اس ضمن میں مزید معلومات حاصل کی جائے۔

Hindutva mob vandalised a Catholic school and assaulted a priest in Telangana’s Mancherial district. FIR is filed against school, NO cases against mob. https://t.co/oteXN0GqV5

— Clifton D` Rozario (@clifroz) April 18, 2024

اس درمیان ان میں سے ایک طالب علم نے ایک ویڈیو سوشل میڈیا پر اپلوڈ کیا جس میں اس نے اسکول کی پرنسپل اور پادری پر ہندو طلبہ کو ان کے مذہبی لباس زیب تن کرنے کی اجازت نہ دینے کا الزام عائد کیا۔

A Hindutva group shouting Jai Shri Ram has vandalised a Catholic school and assaulted a priest in Telangana’s Mancherial district on 16 April.

Watch: pic.twitter.com/8Xuw4QTRSz

— Maktoob (@MaktoobMedia) April 17, 2024

پادری نے بتایا کہ یہ ویڈیو سوشل میڈیا پر عیسائیوں کے خلاف نفرت انگیز پیغام کے ساتھ وائرل ہوا ۔ اس ویڈیو کودیکھنے کے بعد سیکڑوں ہندو اسکول پہنچے اور اسکول میں توڑ پھوڑ کی۔
اسکول انتظامیہ نے مقامی پولیس تھانے میں ہجوم کے خلاف شکایت درج کی ہے لیکن اب تک کوئی حراست عمل میں نہیں آئی ۔ تاہم، پولیس نے اسکول انتظامیہ کے خلاف مذہبی جذبات کو مجروح کرنے کا کیس درج کیا ہے۔