بدعنوانی کے مقدمے میں سیاسی مخالفین اور گواہوں کو ہراساں کرنےکا الزام۔

اسرائیلی وزیراعظم نیتن یاہو کی اہلیہ سارہ نیتن بڑی  مشکل میں پھنس گئی ہیں، اُن پر الزام عائد کیا گیا ہے کہ انہوں نے اپنے شوہر  کے خلاف بدعنوانی کے مقدمے میں سیاسی مخالفین  اور گواہوں کو ہراساں کیا جس  پر اٹارنی جنرل نے تفتیش  شروع کرنے کا حکم دیا ہے۔
 میڈیا رپورٹس کے مطابق اسرائیلی وزارت انصاف نے کہا  کہ ٹیلی ویژن  پروگرام میں نیتن یاہو کی اہلیہ کیخلاف چلنے والی رپورٹ کی بنیاد پر  تفتیش کرائی جائے گی۔

یہ بھی پڑھئے: مودی سرکار نے سابق وزیراعظم کی سمادھی کیلئے جگہ نہیں دی!

ٹیلی ویژن پروگرام میں سارہ نیتن کے وہاٹس ایپ  پیغامات دکھائے گئے ہیں جن میں وہ ایک سابق مشیر کو سیاسی مخالفین کیخلاف  مظاہرے کروانے اور مقدمے کے اہم گواہ کو دھمکی دینے  کی ہدایت دے رہی ہیں۔ اسرائیلی وزیر اعظم کے خلاف چلنے والے بدعنوانی کے مقدمے سے متعلق یہ حالیہ انکشافات ان کیلئے مزید مشکلات پیدا کرسکتے ہیں۔
 اسرائیلی  وزیر اعظم پر مختلف کیسز میں دھوکہ دہی، اعتماد کو ٹھیس پہنچانے اور رشوت  لینے کے الزامات عائد کئے گئے ہیں جن میں یہ بھی کہا گیا ہے کہ وزیراعظم نے  میڈیا مالکان اور دولت مند شخصیات سے لئے گئے فائدوں کے بدلے میں انہیں  نوازا ہے ۔
  دوسری جانب ان الزامات کی تردید کرتے ہوئے نیتن یاہو نے کہا کہ ایک  منظم مہم کے تحت انہیں پراسیکیوٹر، پولیس اور میڈیا کی جانب سے نشانہ بنانے  کی کوشش ہورہی ہے۔