غزہ میں اسرائیلی حملوں کے سبب پانی سپلائی کا نیٹ ورک بری طرح متاثر ہوا ہے۔ اس نیٹ ورک کی بحالی کیلئے یو اے ای نے معاونت کا اعلان کیا ہے۔

متحدہ عرب امارات (یو اے ای) کی کمپنی آپریشن شیوارلس نائٹ ۳؍ نے وسطی غزہ میں دیر البلاح میونسپلٹی کے ساتھ ایک معاہدہ پر دستخط کئے ہیں جس کے تحت شہر میں تباہ شدہ پانی کے نیٹ ورکس، پائپ لائنوں اور کنوؤں کی دیکھ بھال کیلئے ایک منصوبے کو نافذ کیا جا سکے۔

💔🇵🇸 Gaza is currently facing a severe drinking water crisis as a direct result of the destruction of all its desalination plants by Israeli forces over the course of the 51-day war
pic.twitter.com/iBdiUMCW25

— The Saviour (@stairwayto3dom) November 26, 2023

اس اقدام کا مقصد حالیہ مہینوں میں پانی کے بگڑتے ہوئے بحران کے بعد باشندوں اور بے گھر افراد کیلئے پانی کی رسائی کو آسان بنانا ہے۔ معاہدے میں علاقے میں تنازعات سے تباہ ہونے والے پانی کے بنیادی ڈھانچے کی مرمت اور آپریشن کا خاکہ پیش کیا گیا ہے۔ اس کا مقصد میونسپلٹی کے بوجھ کو کم کرنا اور بے گھر افراد کی بھاری آبادی والے علاقوں میں پانی کی فراہمی کو یقینی بنانا ہے۔

یہ بھی پڑھئے: فلسطینیوں سے اتحاد کا عالمی دن: ہندوستان نے فلسطین کی حمایت کی

اس اقدام کے ایک حصے کے طور پر، متحدہ عرب امارات دیر البلاح میونسپلٹی کو فوری انسانی حل فراہم کرے گا، جس میں پانی کے کنوؤں اور ذخائر کے کام کو دوبارہ شروع کرنے کیلئے فنڈنگ بھی شامل ہے، جن میں سے اکثر کو اسرائیلی حملوں کے سبب نقصان پہنچا ہے۔ یہ پروجیکٹ پانی کے نیٹ ورکس کی تباہی اور آپریشنل وسائل کی کمی کی وجہ سے میونسپلٹی پر پڑنے والے دباؤ کو کم کرنے کی کوشش کرتا ہے۔ کمپنی غزہ کے مختلف علاقوں میں پانی کی پائپ لائنوں کی مرمت اور توسیع میں سرگرم عمل ہے۔ اس اقدام نے اس سے قبل غزہ پٹی میں فلسطینیوں کی مدد کیلئے اپنی انسانی کوششوں کے حصے کے طور پر شمالی غزہ، غزہ سٹی اور خان یونس میں پانی کے نیٹ ورکس کی بحالی کیلئے ایک پروجیکٹ کو نافذ کیا تھا۔