اسرائیل کے دورے کے دوران ریپبلکن سینیٹر لنڈسے گراہم کا کہنا ہے کہ غزہ پر قبضے میں امریکا کی کوئی دلچسپی نہیں جب کہ ڈیموکریٹ سینیٹر رچرڈ بلومینتھل کا کہنا ہے کہ عرب ممالک کے پاس بہتر متبادل ہوسکتا ہے۔

امریکی ریپبلکن سینیٹر لنڈسے گراہم نے صدر ڈونلڈ ٹرمپ کی جانب سے غزہپر قبضہ  کرنے اور فلسطینیوں کو بے دخل کرنے کی تجویز کو مسترد کر دیا ہے جب کہ ڈیموکریٹ سینیٹر رچرڈ بلومینتھل نے کہا کہ وہ توقع کرتے ہیں کہ عرب ریاستیں قابل عمل متبادل پیش کریں گی۔ممتاز قانون ساز امریکی سینیٹرز کے دو طرفہ گروپ میں شامل تھے جنہوں نے اس سے قبل تل ابیب میں اسرائیلی وزیر اعظم نیتن یاہو سے ملاقات کی تھی، جنہوں نے اتوار کو غزہ کے تعلق سے ٹرمپ کے متنازعہمنصوبہ  کی حمایت کی تھی۔اسرائیلی وزیر دفاع اسرائیل کاٹز نے فوج کو ایک ایسا منصوبہ تیار کرنے کی ہدایت دی ہے جس کے ذریعے غزہ سے فلسطینیوں کو بے دخل کیا جا سکے۔لیکن گراہم، جو ٹرمپ کے دیرینہ اتحادی اور خارجہ پالیسی اور قومی سلامتی کے معاملات پر اثر و رسوخ رکھنے والے کانگریس کے ایک اہم ریپبلکن ہیں، نے پیر کو صحافیوں کو بتایا کہ سینیٹ میں امریکہ کے غزہ پر کسی بھی طرح یا شکل میں قبضہ کرنے کا ارادہ نہیں ہے۔ 

یہ بھی پڑھئے: لندن میں امریکی صدر ڈونالڈ ٹرمپ کے غزہ منصوبے کیخلاف ہزاروں افراد کا مارچ

ڈونالڈ ٹرمپ کی تجویز کی عرب ممالک میں بڑے پیمانے پر مذمت کی گئی تھی۔ جبکہ یاہو نے پیر کو کہا تھا کہ غزہ سے فلسطینیوں کو نکلنے کا متبادل دیا جانا چاہئے۔کاٹز نے پیر کو کہا کہ وہ غزہ سے فلسطینیوں کی رضاکارانہ روانگیکیلئے وزارت کے اندر ایک ڈائریکٹوریٹ قائم کریں گے۔جبکہ گراہم نے کہا کہ عرب ریاستیں غزہ کیلئے ایک بہتر متبادل تلاش کرنے کیلئے بیدار ہیں۔سعودی ، امارات، اردن، اور مصری حکام کی غزہ کے مستقبل پر گفت و شنید کیلئے اس ماہ ملاقات متوقع ہے۔بلومینتھل نے کہا کہ ’’اردن کے شاہ عبداللہ نے انہیں اس بات پر قائل کیا ہے کہ عرب ریاستیں اسرائیل کے ساتھ تعلقات کو معمول پر لانے، فلسطینیوں کی تعمیر نو، علاقائی دفاعی انتظامات اور اسرائیل کی  سلامتی کا منصوبہ پیش کریں گی۔اگر یہ حقیقت پر مبنی ہے تو یہ خطے کیلئے کی قسمت بدلنے والا فیصلہ ہوگا۔‘‘