متحدہ عرب امارات کے وزیر خارجہ عبداللہ بن زید النہیان نے ’ایکس‘ پر اپنے بیان میں کہا کہ متحدہ عرب امارات غزہ میں جنگ کے بعد فلسطینی ریاست کے قیام کے بغیر کسی بھی منصوبے کی حمایت کرنے کیلئے تیار نہیں ہے۔

متحدہ عرب امارات نے کہا ہے کہ وہ غزہ جنگ کے بعد فلسطینی ریاست کے قیام کے بغیر کسی اسرائیلی منصوبے کی حمایت نہیں کرے گا۔ الجزیرہ کی رپورٹ کے مطابق متحدہ عرب امارات کے وزیر خارجہ عبداللہ بن زید النہیان نے سوشل میڈیا ویب سائٹ ایکس پر اپنے بیان میں کہا کہ متحدہ عرب امارات غزہ میں جنگ کے بعد فلسطینی ریاست کے قیام کے بغیر کسی بھی منصوبے کی حمایت کرنے کیلئے تیار نہیں ہے۔ اسرائیلی وزیراعظم بنجامن نیتن یاہو نے مئی میں غزہ جنگ کے بعد اپنے منصوبے کا اعلان کیا تھا اور دعویٰ کیا تھا کہ اس منصوبے پر عمل درآمد ہونے سے فلسطینیوں کو فائدہ ہوگا۔ نیتن یاہو کے منصوبے میں بندرگاہوں میں سرمایہ کاری، شمسی توانائی، الیکٹرک کاروں کی پیداوار اور غزہ کے نئے دریافت شدہ گیس فیلڈز سے فوائد شامل ہوں گے، اور یہ غزہ جنگ کے خاتمے سے لے کر ۲۰۳۵ءتک تین مرحلوں میں قائم کیا گیا تھا۔ پلان میں کہا گیا کہ اسرائیلی قبضے کے تحت غزہ میں فلسطینیوں کو اس منصوبے پر عمل کرنا ہو گا، جس کی سرپرستی عرب اتحادی ممالک بشمول متحدہ عرب امارات، سعودی عرب، مصر، بحرین، اردن اور مراکش کریں گے۔

یہ بھی پڑھئے: جنگ کی وجہ سے جنوبی لبنان میں سرحدی دیہات خالی ہوگئے

دوسری جانب متحدہ عرب امارات کے وزیر خارجہ عبداللہ بن زاید النہیان نے ردعمل میں کہا کہ اس منصوبے پر عمل درآمد کیلئے قانونی انتظامیہ یا اس سے ملتے جلتے اقدامات کا نہ ہونا واضح ہے کہ غزہ کا ایسا منصوبہ متحدہ عرب امارات کے ساتھ ہے۔ متحدہ عرب امارات کی وزارت خارجہ نے بھی اس حوالے سے ایک بیان جاری کیا اور کہا کہ متحدہ عرب امارات ایسے کسی بھی منصوبے کا حصہ بننے سے انکار کرے گا جس کے تحت اسرائیل کو غزہ میں رہنے کی اجازت دی گئی ہو۔ مزید کہا گیا کہ جب فلسطینی حکومت قائم ہو گی جو برادر فلسطینی عوام کی امیدوں اور امنگوں کے مطابق ہو اور خود مختار اور مستحکم ہو تو متحدہ عرب امارات کی حکومت مذکورہ حکومت کی ہر سطح پر حمایت کیلئے تیار ہو گی۔