اقوام متحدہ کے انسانی حقوق اور بنیادی آزادی کے ماہر بین ساؤل کے مطابق کسی بھی ملک کے اقتصادی ڈھانچے پر حملہ بین الاقوامی انسانی قانون کی خلاف ورزی ہے، یہ عوامی اور فوجی ہدف کے مابین فرق کو ختم کردیتا ہے جس کےسبب عوام کے خلاف فوجی کارروائی کا دروازہ کھل جاتا ہے۔

اقوام متحدہ کے انسانی حقوق اور بنیادی آزادی کے ماہر بین ساؤل نے بدھ کو کہا کہ اسرائیل کے ذریعے لبنان کے مالیاتی ادارے پر بمباری کرنا بین الاقوامی انسانی قانون کی خلاف ورزی ہے۔اور کسی بھی اقتصادی ڈھانچے کو نشانہ بنانا غیر قانونی ہے۔اس سے قبل اسرائیل نے القرض الحسنہ بینک پر حزب اللہ کی مالی معاونت کا الزام عائد کرتے ہوئے پہلے ایک عوامی انتباہ جاری کیا ، اور بعد میں اس پر بمباری کر دی۔ یہ بینک لبنان میں بنا سود کے چھوٹے قرض فراہم کرتا ہے، اسی کے ساتھ یہ ملک میں فلاحی کام بھی انجام دیتا ہے۔ پورے لبنان میں اس کی کئی شاخیں ہیں اور ہزاروں افراد اس کے گاہک ہیں۔

یہ بھی پڑھئے: الجزیرہ: چھ فلسطینی صحافیوں پر حماس کارکن ہونے کے اسرائیلی الزام کی مذمت

ساؤل کے مطابق جنگ میں فقط اسی ہدف کو نشانہ بنایا جا سکتا ہے جس کی تباہی سے فوجی مفاد حاصل ہو۔جبکہ مالیاتی ادارے پر بمباری کسی بھی طرح فوجی ایکشن میں مددگار نہیں ہو گا۔بینک پر بمباری عوامی اور فوجی ہدف کے فرق کو ختم کر دیتی ہے، جوشہریوں کو جنگ سے محفوظ رکھنے کا بنیادی اصول ہے۔اس فرق کے ختم ہونے سے عوام کے خلاف فوجی کارروائی کا دروازہ کھل جاتا ہے۔جو شہریوں کے جینے کے حق کے منافی ہے۔انہوں نے متنبہ کیا کہ بین الاقوامی انسداد دہشت گردی قوانین مبینہ دہشت گردی کی مالی امداد اور منی لانڈرنگ پر فوج کشی کی اجازت نہیں دیتے۔بینکوں پر بمباری اقتصادی جرائم کا قانونی حل نہیں ہے۔دہشت گردی کی مالی امداد کے خلاف ریاست آئینی اور فوجداری قوانین کا سہارا لے سکتی ہے۔

On Sunday, the Israelis struck branches of al-Qard al-Hasan bank. The association, whose name in Arabic means “the benevolent loan,” offers interest-free loans. Most branches are situated in densely populated residential areas. Tyre, Lebanon pic.twitter.com/OaanamtcYg

— courtneybonneauimages (@cbonneauimages) October 22, 2024

واضح رہے کہ اسرئیل کے ذریعے لبنان پر حملہ، گزشتہ سال سے جاری جنگ کی تازہ ترین توسیع ہے،  اقوام متحدہ کے مطابق اسرائیلی حملے میں اب تک ۲۴۰۰؍ افراد جاں بحق اور ۱۲؍ لاکھ افراد بے گھر ہو چکے ہیں۔ساؤل بھی اقوام متحدہ کے ان افسران میں شامل ہو گئے ہیں جنہوں نے اسرائیل اور حزب اللہ سے فوری جنگ بندی کی اپیل کی ہے۔