اقوام متحدہ کے عالمی خوراک کی قیمتوں کے اشاریہ میں اگست میں قدرے کمی آئی۔ یہ کمی بڑی حد تک گرم اور خشک موسمی حالات کی بدولت یورپی یونین، میکسیکو اور یوکرین میں اناج کی فصلوں کے کم ہونے کے امکانات کو ظاہر کرتی ہے۔

اقوام متحدہ کے عالمی خوراک کی قیمتوں کے اشاریہ میں اگست میں قدرے کمی آئی، جمعہ کو جاری کردہ اعداد و شمار کے مطابق چینی، گوشت اور اناج کی کم قیمتیں ڈیری اور سبزیوں کے تیل کی بلند قیمتوں کو پورا کرنے سے کہیں زیادہ ہیں۔ عالمی سطح پر سب سے زیادہ تجارت کی جانے والی غذائی اجناس کا پتہ لگانے کیلئے اقوام متحدہ کی خوراک اور زراعت کی تنظیم کی طرف سے مرتب کردہ قیمت کا اشاریہ، جولائی میں نظر ثانی شدہ۱۲۱؍ سے اگست میں ۱۲۰ء۷؍ پوائنٹس تک گر گیا۔ ’ایف اے او‘ انڈیکس اس سال فروری میں تین سال کی کم ترین سطح پر آگیا کیونکہ یوکرین پر روس کے حملے کے بعد خوراک کی قیمتیں مارچ۲۰۲۲ء میں قائم ہونے والی ریکارڈ چوٹی سے پیچھے ہٹ گئیں۔ 

یہ بھی پڑھئے: طوفان’’یاگی‘‘ کا قہر، چین کے بعد ہانگ کانگ میں معمولات زندگی متاثر، پروازیں معطل

اگست کی قیمت ایک سال پہلے کی سطح سے ۱ء۱؍ فیصدکم تھی اور مارچ۲۰۲۲ء سے اپنے عروج سے ۲۴ء۷؍ فیصد نیچے تھی۔ ایک علاحدہ رپورٹ میں، ایف اے او نے۲۰۲۴ء میں عالمی اناج کی پیداوارکیلئے اپنی پیش گوئی کو۲ء۸؍ ملین میٹرک ٹن کم کر کے۲ء۸۵۱؍بلین ٹن کر دیا، جو اسے پچھلے سال کی پیداوار کے تقریباً برابر کر دیتا ہے۔ یہ کمی بڑی حد تک گرم اور خشک موسمی حالات کی بدولت یورپی یونین، میکسیکو اور یوکرین میں اناج کی فصلوں کے کم ہونے کے امکانات کو ظاہر کرتی ہے۔