برطانیہ میں حالیہ مسلم مخالف نفرت کی لہر کے بیچ ایک برطانوی شخص کو مسلم بس ڈرائیور کو نسل پرستانہ مغلظات بکنے اور تھوکنےکے جرم میں دس ماہ کی قید کی سزا دی گئی۔ حکام کا کہنا ہے کہ یہ شخص حالیہ نسل پرست فساد سے متاثر تھا۔

برطانیہ میں حکام نے بتایا کہ ایک شخص کو ایک مسلم بس ڈرائیورپر تھوکنے اور اسے نسل پرستانہ گالی دینے کی پاداش میں ۱۰؍ ماہ کی قید کی سزا دی گئی ہے۔کرائون پرازیکیوشن سرو س (سی پی ایس ) نے کہا کہ۷؍ اگست کو ہائس میں ۳۹؍ سالہ مائیکل مونگن نامی شخص کا ادائیگی کارڈخارج ہونے کے بعد اسے بس میں سورار ہونے سے روکنے پر اس نے ڈرائیور کے ساتھ بد تمیزی کی۔

یہ بھی پڑھئے: غزہ جنگ: کنگھیوں کی کمی کی وجہ سے لڑکیاں اپنے بال کاٹنے پر مجبور

سوشل میڈیا میں وائرل ہونے والے ویڈیو میں اس شخص کو’’ دہشت گرد مسلم‘‘ اور دیگر گالیاں دیتے ہوئے دیکھا جا سکتا ہے، ساتھ ہی وہ ڈرائیور کو بس سے اترنے بھی کہہ رہا تھا اور اسی دوران اس نے حفاظتی اسکرین پر بھی ضرب لگائی۔ ۹؍ اگست کو اس شخص کی شناخت کر کے اسے گرفتار کر لیا گیا تھا۔ سی پی ایس نے کہا کہ ’’ اس کا یہ عمل حالیہ دنوں میں ملک میں ہوئے فساد سےمتاثر تھا، اور اسے مسلم مخالف تشدد سے ہی ترغیب ملی تھی جس نے پورے ملک کو اپنی گرفت میں لے لیا تھا۔

IDENTIFIED AND CHARGED

Delayed Update

Michael Mongan
39
Castle Road
Ealing
UB5 4SD

Destination Fucked pic.twitter.com/8IrIFpFhDt

— Anonymous🇬🇧👀 (@AnonymousUK2022) August 11, 2024

یہ واقعہ اس وقت پیش آیا جب انتہائی دائیں بازو کے نسل پرستوں نے برطانیہ میں مسلمانوں اور تارکین وطن کو تشدد کا نشانہ بنایا۔ حالانکہ یہ نفرت آمیز مہم محض جھوٹی خبر کا نتیجہ تھی، جس میں کہا گیا تھا کہ ۲۹؍ جولائی کی چاقو زنی کی واردات کا مشتبہ شخص ایک مسلم تارکین وطن ہے۔ جس کے بعد حکام نے ۱۷؍ سالہ ایکسل روداخوباناکی پہچان حملہ آور کےطور پر کی تھی، لیکن یہ سچائی نسل پرست بھیڑ کو تشدد سے باز رکھنے میں ناکام رہی۔
واضح رہے کہ ۸؍ اگست تک کل ۴۸۳؍ افراد کو گرفتار کیا جا چکا تھا، جبکہ ۱۴۹؍ پر برطانیہ کے شہروں اور قصبوں میں فسادبرپا کرنے پر مقدمہ قائم کیا گیاہے۔