اترپردیش کے رام پور میں آج صبح ایک دردناک سڑک حادثہ پیش آیا جس کے نتیجے میں ۵؍ افراد جاں بحق ہوئے ہیں۔ مہلوکین میں اشرف علی، ان کے ۳؍ بیٹے اور کار ڈرائیور شامل ہیں۔ اشرف علی حج سے لوٹے تھے، اور اندرا گاندھی انٹرنیشنل ایئرپورٹ، دہلی سے رامپور اپنے گھر جارہے تھے۔

اترپردیش کے رام پور میں ایک سڑک حادثے کے نتیجے میں ۵؍افراد کی موت ہوئی ہے۔ مہلوکین میں حاجی اشرف (۶۵؍)، ان کے تین بیٹے کھپے علی (۴۲؍)، عارف علی (۲۴؍) اور انتخاب علی (۲۰؍ )، اور کار کا ڈرائیور احسن (۳۲؍ )شامل ہیں۔ مہلوک حاجی اشرف کی اہلیہ اور ان کے چوتھے بیٹھے آصف علی شدید زخمی ہیں جنہیں فوری علاج کیلئے قریبی اسپتال منتقل کیا گیا ہے۔

یہ بھی پڑھئے: برطانیہ الیکشن: ہندوتوا کا حوالہ دیتے ہوئے ہندو تنظیم نے ہندو منشور مسترد کردیا

متاثرین کا تعلق رام پور ضلع کے مکرم پور گاؤں سے بتایا جا رہا ہے۔ پولیس کے مطابق حاجی اشرف علی اور ان کی اہلیہ زیتون حج کے بعد سعودی عربیہ سے لوٹ رہے تھے جب یہ حادثہ پیش آیا۔ یہ جوڑا بدھ کی شام دہلی ایئرپورٹ پہنچا تھا۔ بعد ازیں حاجی اشرف علی، ان کی اہلیہ زیتون اور ان کے ۴؍ بیٹھے رام پور اپنی گھر کی جانب رواں دواں تھے جب آج صبح ۶؍ بجے ان کی گاڑی حادثے کا شکار ہو گئی۔