یوروگوئے کے بائیں بازو کے امیدوار یامانڈو اورسی نے صدارتی انتخاب میں فتح حاصل کر لی ہے۔ انہوں نے قدامت پسند الواروڈیلگاڈو کو شکست دی۔ سابق صدر نے اپنی شکست تسلیم کر کے نئے صدر کو نیک خواہشات پیش کی ہیں۔ منتخب شدہ نئے صدر نے کئی اصلاحات کا وعدہ کیا ہے۔

یوراگوئے کےبائیں بازو کے امیدوار یامانڈو اورسی صدارتی انتخاب جیت کر نئے صدر منتخب ہو گئے ہیں۔ ایک سخت مقابلے میں انہوں نے دائیں بازو کےحریف امیدوارالوارو ڈیلگاڈو کو شکست دی۔ملک کی انتخابی عدالت کے مطابق کل ۴ء ۹۴؍ فیصد رائے دہندگی کے ساتھ اورسی نے ۱۱؍لاکھ ۲۳؍ ہزار ۴؍ سو ۲۰؍ ووٹ حاصل کئے ، جبکہ ان کے مقابل ڈیلگاڈو ۱۰؍ لاکھ ۴۲؍ ہزار ایک ووٹ ہی حاصل کر سکے۔ ڈیلگاڈو نے اپنی شکست تسلیم کر لی ہے۔ جس کے بعد ملک میں قدامت پسندوں کی پانچ سالہ حکمرانی کا اختتام ہو گیا۔ ڈیلگاڈو نے اپنے حامیوں کے درمیان سے ایک خطاب کیا، جس میں انہوں نے عوامی فیصلے کا احترام کرتے ہوئے اورسی کو صدارتی انتخاب میں کامیابی پر مبارک باد دی،ساتھ ہی آئندہ کیلئے نیک خواہشات پیش کیں۔

یہ بھی پڑھئے: ٹرمپ حکومت کی تشکیل: زراعت اور خزانہ کی وزارتوں کیلئے ناموں کا اعلان

۵۷؍ سالہ اورسی ایک سابق تاریخ کے استاد ہیں، اور پیشہ ور طبقہ سے تعلق رکھتے ہیں، اور دو بار مئیر رہ چکے ہیں۔ انہیں بڑے پیمانے پر مشہور سابق صدر اور مارکسی گوریلا ’جوز پیپے موجیکا‘ کے وارث کے طور پر دیکھا جاتا ہے۔موجیکا نے ایک اختتامی مہم کے اشتہار میں کہا تھا کہ ’’ اورسی عام کارکنوں سے پیدا ہوا لیڈر ہے، وہ یوراگوئے کے متوسط طبقہ کی نمائندگی کرتا ہے۔‘‘اورسی نے یوراگوئےکے اہم زرعی شعبے میں سرمایہ کاری کو فروغ دینے کیلئے ٹیکس مراعات کی صنعتی پالیسی اپنانے کا وعدہ کیا ہے۔ اسی کے ساتھ انہوں نے سماجی تحفظ کی اصلاحات بھی نافذ کر نے کا اعلان کیا، جو سبکدوشی کی عمر کو کم کرنے میں آبادی کے رجحان کو ملحوظ رکھیں گی۔ لیکن یوراگوئے کی یونینوں کی مطلوبہ بنیاد پر نظر ثانی سے انکار کر دیا۔