کنیڈا کےوزیر اعظم جسٹن ٹروڈو کا کہنا ہے کہ اگر صدر ڈونلڈ ٹرمپ کی انتظامیہ کنیڈا کی مصنوعات پر تجویز کردہ ٹیرف نافذ کرتی ہے تو کنیڈا منگل سے۱۰۷؍ ارب ڈالر مالیت کی امریکی مصنوعات پر ۲۰؍ فصد ٹیرف نافذ کرے گا، جبکہ چین نے بھی امریکی ٹیرف کے خلاف انتقامی جوابی اقدامات کا عہد کیا ہے۔

کنیڈا منگل سے ۲۰؍ارب ڈالر مالیت کی امریکی مصنوعات پر ۲۵؍ فیصد ٹیرف عائد کرے گا، جبکہ باقی  ۸۷؍ارب ڈالر مالیت کی مصنوعات پر ٹیرف۲۱؍ دنوں میں نافذ ہو جائے گا۔ٹروڈو نے مزید کہا کہ ’’ ہمارے ٹیرف اس وقت تک برقرار رہیں گے جب تک کہ امریکی تجارتی اقدامات واپس نہیں لئے جاتے۔‘‘

یہ بھی پڑھئے: ’’یوکرین اب بھی امریکہ کیساتھ معدنی معاہدے پر دستخط کرنے کو تیار‘‘

چین کے کامرس منسٹری نے منگل کو فینٹینائل اور دیگر مسائل سے متعلق چینی مصنوعات پر ٹیرف عائد کرنے کے امریکہ کے فیصلے کے خلاف ناراضگی کا اظہار کیا، اور اپنے حقوق اور مفادات کے تحفظ کے لیے جوابی اقدامات کا عہد کیا۔ وزارت نے ایک بیان میں کہا کہ امریکہ نے الزامات کا رخ موڑ دیا ہے اور مہلک منشیات فینٹینائل کے اپنے مسائل کو ٹیرف عائد کرنے کے بہانے کے طور پر استعمال کر رہا ہے۔واضح رہے کہ امریکہ کا کہنا ہے کہ چین فینٹینائل کی تیاری میں استعمال ہونے والے کیمیکلز فراہم کرتا ہے۔تاہم چین نے کسی بھی غلط کام سے انکار کیا ہے۔ چین کی وزارت نے امریکہ سے مطالبہ کیا کہ وہ اپنے یکطرفہ ٹیرف اقدامات کو فوری طور پر واپس لےجو غیر معقول اور بے بنیاد ہیں، ساتھ ہی دوسروں کیلئے نقصان دہ بھی ہیں۔