میسوری، امریکہ میں ۵۵؍ سالہ مارسیلس خلیفہ ولیمز کو گزشتہ رات زہریلا انجکشن دے کر موت کے گھاٹ اتار دیا گیا۔ ان پر ایک سفید فام خاتون کے قتل کا الزام تھا جو مقدمے کی آخری سماعت تک ثابت نہیں ہوسکا تھا۔ شواہد نہ ہونے کے سبب ان کی سزائے موت پر ۲۰۱۵ء اور ۲۰۱۷ء میں روک لگائی گئی تھی۔ اس ضمن میں ’’انوسنس پروجیکٹ‘‘ نے کہا کہ ’’آج رات، میسوری نے بے گناہ کو موت کی سزا دے دی۔ ‘‘

منگل کو ۵۵؍ سالہ مارسیلس ولیمز (عرفیت: خلیفہ) کو بون ٹیرے کی سرکاری جیل میں زہریلا انجکشن دے کر موت کے گھاٹ اتار دیا گیا۔ خیال رہے کہ ان کی موت سے ۲؍ دن قبل ’’موت کی سزا‘‘ پر عمل درآمد نہ کرنے کیلئے ان کی حمایت میں سوشل میڈیا پر مہم جاری تھی۔ تاہم، امریکی سپریم کورٹ نے سزا پر روک لگانے سے انکار کردیا۔ ولیمز نے اپنے آخری پیغام میں لکھا کہ ’’ہر حال میں تمام تعریفیں اللہ ہی کیلئے ہیں۔‘‘ ان کا تحریر کردہ یہ بیان سوشل میڈیا پر تیزی سے وائرل ہورہا ہے۔ 

The state of Missouri just knowingly executed an innocent man Marcellus Williams. This was a modern day state sponsored lynching.

Rest in Power 😭

pic.twitter.com/wqdLPoN0Ry

— Nine (@ninewontmiss) September 25, 2024

واضح رہے کہ مارسیلس ایک سیا فام ہیں جنہیں ۲۰۰۱ء میں ۱۹۹۸ء کی ڈکیتی کی ایک واردات میں ایک سفید فام خاتون فیلیسیا گیل کو قتل کرنے کے جرم میں سزا سنائی گئی تھی۔ اہم بات یہ ہے کہ گیل کو قتل کرنے کیلئے استعمال ہونے والے چاقو سے ملنے والا ڈی این اے مارسیلس کا نہیں کسی دوسرے شخص کا تھا۔ تاہم، جب سینٹ لوئس کاؤنٹی کے پراسیکیوٹرز کو نصف درجن سیاہ فام ججوں کو پیشگی خدمت سے ہٹانے کی اجازت دی گئی تو مارسیلس کو تقریباً تمام سفید فام جیوری نے موت کی سزا سنائی۔

یہ بھی پڑھئے: انٹرن شپ اسکیم امیدواروں کا انتخاب اے آئی کے ذریعے

مارسیلس کو موت کی سزا کی مخالفت مقتولہ گیل کے اہل خانہ اور پراسیکیوٹر کے دفتر دونوں نے کی مگر سپریم کورٹ نے سزا پر روک لگانے سے انکار کردیا۔ اس ضمن میں ’’انوسنس پروجیکٹ‘‘ (غلط طریقے سے سزا پانے والوں لوگوں کیلئے کام کرنے والا گروپ) نے کہا کہ ’’آج رات، میسوری نے بے گناہ کو موت کی سزا دے دی۔ مسٹر ولیمز کی کہانی ہمارے ملک کے ٹوٹے ہوئے مجرمانہ قانونی نظام میں پکڑے گئے بہت سے دوسرے لوگوں کی بازگشت ہے۔ ایک سیاہ فام آدمی جسے ایک سفید فام عورت کے قتل کا مجرم ٹھہرایا گیا، مسٹر ولیمز نے آخر تک اپنی بے گناہی برقرار رکھی۔

People deliver more than a million petitions asking for a stay of execution for Marcellus “Khaliifah” Williams to the Missouri Governor’s office at the State Capitol following a rally in the rotunda today. pic.twitter.com/TBXGvxFVOF

— The WE project (@theWEprojectMO) September 24, 2024

ان کی سزا دو عینی شاہدین کی گواہی پر مبنی تھی جنہیں گواہی کیلئے رقم دی گئی تھی۔ کسی بھی ڈی این اے شواہد نے مارسیلس کو مجرم نہیں ٹھہرایا۔ اور موجودہ سینٹ لوئس کاؤنٹی پراسیکیوٹنگ اٹارنی نے تسلیم کیا کہ مقدمے کے استغاثہ کی طرف سے کی گئی غلطیاں، بشمول قتل کے ہتھیار کو غلط استعمال کرنا اور جان بوجھ کر سیاہ فام ججوں کو آئین کی خلاف ورزی کرتے ہوئے خارج کرنا، نے ایک شخص کو غلط طور پر سزا کا حقدار بنایا ہے۔‘‘ 

یہ بھی پڑھئے: لبنان: اسرائیلی بہیمانہ حملوں میں شدید جانی و مالی نقصان، حزب اللہ کی جوابی کارروائی

مارسیلس کی موت کی خبر پر ردعمل ظاہر کرتے ہوئے، ممتاز مسلم اسکالر عمر سلیمان نے ایکس پر لکھا کہ ’’ایک غیر منصفانہ دنیا سے فرار ہونے والے دیگر شہداء کے ساتھ آرام کریں، پیارے بھائی۔‘‘
یاد رہے کہ اس سال کے اوائل میں سینٹ لوئس کاؤنٹی کے پراسیکیوٹر ویزلی بیل، جو ڈیموکریٹ کانگریس کیلئے انتخاب لڑ رہے ہیں، نے ولیمز کی سزا کو ختم کرنے کیلئے کہا تھا۔ انہوں نے ان کی بے گناہی کے واضح اور قابل یقین ثبوت کا حوالہ دیا تھا۔
اس ضمن میں امریکہ میں سزائے موت کے انفارمیشن سینٹر (ڈی پی آئی سی) نے اپنی ویب سائٹ پر لکھا کہ ’’سزائے موت ،ایک بے گناہ شخص کو پھانسی دینے کا موروثی خطرہ رکھتی ہے۔‘‘ گروپ کا کہنا ہے کہ ’’۱۹۷۳ء کے بعد سے امریکہ میں کم از کم ۲۰۰؍ ایسے افراد کو بری کیا گیا ہے ہیں جنہیں غلط طور پر سزا سنائی گئی تھی۔