امریکہ میں ایک مسافر بردار طیارے اور فوجی ہیلی کاپٹر میں تصادم کے بعد رونالڈرواشنگٹن نیشنل ہوائی اڈے کے قریب دریائے پوٹومیک میں کریش ہونے کے سبب ۱۸؍افراد سےز ائد افراد کی موت ہوئی ہے جبکہ دیگر زخمی ہوئے ہیں۔ اب تک اموات کی تصدیق نہیں کی گئی ہے۔طیارے میں ۶۴؍افرادسوار تھے جن میں سے ۴؍ عملے کے افراد تھے۔

 رساں ایجنسی رائٹرز نے رپورٹ کیا ہے کہ ’’۶۰؍ مسافروں اور ۴؍ عملے پر مشتمل طیارے کے فوجی ہیلی کاپٹر سے ٹکرانے اور رونالڈ ریگن واشنگٹن نیشنل ہوائی اڈے کے قریب دریائے پوٹومیک میں کریش ہونے کے سبب ۱۸؍ سے زائد افراد کی موت ہوئی ہے جبکہ دیگر زخمی ہوئے ہیں۔‘‘ ڈی سی فائر اینڈ ای ایم ایس چیف جون ڈون لی نے کہا کہ ’’نصف رات تصادم کے بعد مجھے نہیں لگتا کہ کوئی بھی شخص زندہ بچا ہوگا اور ریسکیو آپریشن اب بھی جاری ہے۔ ہم ریسکیو آپریشن سے بحالی کے آپریشن کی طرف بڑھ رہے ہیں۔ اب ہمیں نہیں لگتا ہے کہ کوئی بھی شخص اس حادثے کے بعد زندہ بچا ہوگا۔‘‘ امریکی ایئرلائنس نے سی ای او نے کہا کہ ’’اس وقت ہمیں یہ نہیں معلوم ہے کہ پی ایس اے کے ایئرکرافٹ کے راستے میں فوج کا ہیلی کاپٹر کیوں آگیا تھا۔‘‘ 

دی واشنگٹن پوسٹ کے مطابق ’’یہ حادثہ بدھ کی رات ۸؍ بجکر ۴۷؍ منٹ پر پیش آیا تھا۔ ہیلی کاپٹر میں تین فوجی اہلکار سوار تھے۔‘‘ متعدد خبر رساں ایجنسیوں کے مطابق ’’دریائے پوٹومیک میں راحت رسانی اور ریسکیو آپریشن جاری ہے۔واشنگٹن ڈی سی، امریکہ کے میئر موریل بوسسر نے اب تک حادثے سے ہونے والے جانی نقصان کی تصدیق نہیں کی ہے۔‘‘

جائے حادثے پر راحت رسانی کا کام جاری ہے۔ تصویر: پی ٹی آئی

انہوں نے کہا کہ ’’ہم صرف یہ بتا سکتے ہیں کہ طیارے میں کتنے افراد سوار تھے؟‘‘ امریکی ایئرلائنس کی فلائٹ ۵۳۴۲؍، جسے پی ایس اے ایئرلائنس آپریٹ کرتی ہے، ویچیتا، کنساس، امریکہ جارہی تھی، ایسٹرن اسٹینڈرڈ ٹائم کے مطابق ۹؍ بجے فوجی ہیلی کاپٹر سے ٹکرائی تھی۔ ڈی سی پولیس، ڈی سی فائر اور میٹروپولیٹن پولیس ڈپارٹمنٹ آف دی ڈسٹرکٹ آف کولمبیا کی جانب سے جاری کئے گئے مشترکہ بیان میں کہا گیا ہے کہ ’’اب تک اموات کی تصدیق نہیں کی گئی ہے۔‘‘

یہ بھی پڑھئے: سعودی عرب: غلافِ کعبہ پہلی بار مکہ مکرمہ سے باہر نمائش کیلئے پیش

رائٹرز کے مطابق’’امریکی ایئرلائنس کے سی ای او رابرٹ آئیسوم نے بتایا کہ ’’ہم تفتیش کیلئے نیشنل ٹرانسپورٹیشن سیفٹی بورڈ سے رابطے میں ہیں اور ہمیں جتنی معلومات دستیاب ہوں گی ہم وہ فراہم کریں گے۔‘‘ اے ایف پی کے مطابق ’’یہ ایئرپورٹ جمعہ کوصبح کے ۵؍ بجے تک بند رہے گا۔‘‘

First time in 15 years, a plane crash in United States.
Desperate search for survivors after an American Airlines jet is downed in collision with military chopper over DC’s Potomac river at the Raegan National Airport #DCCrash #PlaneCrash pic.twitter.com/czkaK5M999

— Saqib Ul Islam Chaudhary (@SaqibIslam) January 30, 2025

امریکی صدر ڈونالڈ ٹرمپ نے اس حادثے پر اظہار افسوس کرتے ہوئے لکھا ہے کہ ’’خدا مہلوکین کی مغفرت فرمائے۔ ہم حالات پر نظر رکھے ہوئے ہیں اور معلومات فراہم کرتے رہیں گے۔‘‘