بھارتیہ جنتا پارٹی (بی جے پی) رکن اسمبلی کیتکی سنگھ نے مطالبہ کیا ہے کہ اترپردیش کےبلیا میں بننے والے میڈیکل کالج میں مسلمانوں کے لئےعلاحدہ وِنگ بنادیا جائے۔ انہوں نے کہا کہ ہندوؤں کی سیفٹی یقینی بنانےکیلئے یہ ضروری ہے۔

بھارتیہ جنتا پارٹی (بی جے پی) رکن اسمبلی کیتکی سنگھ نے مطالبہ کیا ہے کہ اترپردیش کےبلیا میں بننے والے میڈیکل کالج میں مسلمانوں کے لئےعلاحدہ وِنگ بنادیا جائے۔ انہوں نے کہا کہ ہندوؤں کی سیفٹی یقینی بنانےکیلئے یہ ضروری ہے۔ انہوں نے کہا کہ مسلمانوں کو اکثر ہولی، رام نومی اور درگا پوجا جیسے ہندو تہواروں پر تکلیف محسوس ہوتی ہے۔ ہندوؤں کے ساتھ علاج کرانے میں بھی انہیں بے چینی ہوسکتی ہے۔ کیتکی سنگھ نے پیر کے دن میڈیا سے کہا کہ میں چیف منسٹر یوگی آدتیہ ناتھ سے گزارش کرتی ہوں کہ میڈیکل کالج ہاسپٹل میں مسلمانوں کیلئےعلاحدہ وِنگ بنادیا جائے تاکہ ہندو محفوظ رہیں۔ 

یہ بھی پڑھئے: ’’ہندوستان کے مسلمان محب وطن ہیں ‘‘

کیتکی سنگھ نے کہا کہ کہا’’کیا پتہ وہ ہمارے کھانے میں کیا تھوک دیں ؟۔ بی جے پی رکن اسمبلی نے کہا کہ مہاراج جی(یوگی) سے میری درخواست ہے کہ جب ڈھیر سارا پیسہ خرچ ہوہی رہا ہے تو مسلمانوں کیلئے ایک علاحدہ عمارت اور وِنگ بنادیا جائے۔ انہیں ہمارے ساتھ رہنے میں مسئلہ ہے تو وہ وہاں اپنا علاج کراسکتے ہیں۔ اپنے بیان پرسوشل میڈیا پر تنقید کے بارے میں پوچھنے پر بی جے پی قائد نے پی ٹی آئی سے کہا کہ ان لوگوں کو صرف ووٹ بینک کی فکر ہے۔