ویٹیکن کے اطالوی کارڈینل پیٹرو پیرولین نے آج کہا کہ ہم ٹرمپ کو مبارکباد پیش کرتے ہیں اور ان سے حکمت اور دانشمندی کی امید کرتے ہیں۔ پیٹرو نے ٹرمپ پر طنز کیا کہ دنیا میں جاری تنازعات کو حل کرنے کیلئے ان کے پاس ’’جادو کی چھڑی‘‘ نہیں ہے۔

ویٹیکن کے سیکریٹری آف سٹیٹ نے آج اس شک کے اظہار کے درمیان امریکہ کے نو منتخب صدر ڈونالڈ ٹرمپ کو مبارکباد دی کہ ان کے پاس انتخابی مہم کے دوران کئے گئے وعدے کے مطابق تنازعات کو جلد ختم کرنے کیلئے ’’جادو کی چھڑی‘‘ ہے۔ روم میں ایک کانفرنس کے موقع پر اطالوی کارڈینل پیٹرو پیرولین نے صحافیوں کو بتایا کہ ’’ہم ان سے (ٹرمپ) حکمت اور دانشمندی کی توقع کرتے ہیں کیونکہ یہ بائبل کے مطابق لیڈروں کی ایک بنیادی خوبی ہے۔‘‘ ٹرمپ کے یوکرین جنگ کو ۲۴؍ گھنٹوں کے اندر ختم کرنے کے وعدے کے بارے میں پوچھے جانے پر پیرولن نے جواب دیا کہ ’’آئیے اس کی امید کرتے ہیں۔ مجھے یقین ہے کہ ان (ٹرمپ) کے پاس جادو کی چھڑی نہیں ہے۔‘‘ انہوں نے کہا کہ جنگوں کو ختم کرنے کیلئے بہت زیادہ عاجزی کی ضرورت ہوتی ہے، خاص مفادات پر توجہ دینے کے بجائے انسانیت کے عمومی مفادات کو تلاش کرنا ضروری ہوتا ہے۔

یہ بھی پڑھئے: امریکہ میں ٹرمپ کی تاریخی واپسی، ملک میں ’سنہری دور‘ کا وعدہ

امریکی معاشرے میں تقسیم پر قابو پانے کیلئے پیرولن نے کہا کہ انہیں امید ہے کہ ٹرمپ ’’پورے ملک کے صدر‘‘ ہوں گے۔ انہوں نے یہ بھی امید ظاہر کی کہ وہ ’’ایک ایسا عنصر ثابت ہوں گے جو تناؤ کو کم کرتا ہے... موجودہ تنازعات کو جو دنیا کو خون آلود کر رہے ہیں۔‘‘ خیال رہے کہ پیرولن کا تبصرے ڈیموکریٹ کملا ہیرس کے خلاف وہائٹ ہاؤس کیلئے ٹرمپ کی جیت پر ویٹیکن کی طرف سے پہلا سفارتی ردعمل تھا۔اب تک پوپ فرانسس نے کوئی ردعمل ظاہر نہیں کیا ہے۔