عالمی ادارہ صحت نے بتایا کہ گزشتہ ہفتے محض ۵؍ ٹرکوں کو طبی اشیاء لے کر غزہ میں داخلے کی اجازت دی گئی جبکہ ۳۴؍ سے زیادہ ٹرک اب بھی منتظر ہیں۔ دوسری جانب غزہ میں ہزاروں افراد کو فوری طور پر طبی امداد کی ضرورت ہے۔ اس کے علاوہ کئی افراد غذائی قلت کا شکار ہیں۔

عالمی ادارہ صحت کے ڈائرکٹر جنرل ٹیڈروس ادنوم گیبریسوس نے جمعرات کو ایک میڈیا بریفنگ میں  کہا کہ گزشتہ ہفتہ طبی اشیا ء کے محض ۵؍ٹرکوں کو غزہ میں داخلے کی اجازت دی گئی، جبکہ ۳۴؍ سے زیادہ ٹرک ال عرشی کراسنگ پر داخلے کے منتظر ہیں، اس کے علاوہ ۸۵۰؍ پیلیٹ جمع ہونے کے انتظار میں ہیں۔غزہ پر اسرائیلی حملوں کے نتیجے میں بڑی تعداد میں فلسطینی شہید، زخمی اور بے گھر ہوئے ہیں، اس کے علاوہ اسرائیل کی جانب سے نقل مکانی کے احکامات پہلے سے پریشان عوام کی صحت پر انتہائی برا اثر ڈال رہے ہیں۔ انہوں نے کہا کہ شمالی غزہ کا الاہلی اسپتال وہ آخری اسپتال ہے جس نے اطراف میں جاری جنگ کے نتیجے میں کام کرنا بندکر دیا ہے۔

Only five @WHO trucks of medical supplies were allowed into #Gaza last week.

More than 34 of our trucks are waiting at the Al Arish crossing, and 850 pallets of medical supplies are awaiting collection.

A further 40 trucks are waiting at Ismailiya in Egypt.

WHO calls for the… pic.twitter.com/95MReUn1RI

— Tedros Adhanom Ghebreyesus (@DrTedros) July 11, 2024

اس ہفتے کے اوائل میں عالمی ادارہ صحت کے ترجمان طارق جساریوک نے کہا تھا کہ خطے کے صحت انتظامیہ کے مطابق ۳۴؍ فلسطینی بھوک اور پیاس سے جاں بحق ہو گئے جبکہ شمالی غزہ کے کمال ادعوان اسپتال میں ہی غذائی کی انتہائی قلت کے شکار۶۰؍ مریضوں کی شناخت ہوئی ہے۔ ادارہ کے ترجمان نے زور دے کر تمام سرحدی کراسنگ کھولنے کا مطالبہ کیا تا کہ طبی امداد کے انتہائی ضرورت مندوں کو نکالا جا سکے،تقریباً دس ہزار افراد کو غزہ کے باہرخصوصی طبی امداد کی فوری ضرورت ہے، وہ مزید انتظار برداشت نہیں کر سکتے۔ 

یہ بھی پڑھئے: ریڈ کراس: جان بچانے کی جدوجہد میں فلسطینی انسانی وقار کھوتے جارہے ہیں

ادارہ صحت کے مطابق جنوبی غزہ کےجزوی طور پر کام کررہے ۶؍ اسپتالوں میں ،جن تین خان یونس میں اور تین دیرالبلاہ میں واقع ہیں ،ان میں محض ۱۳۳۴؍ بستر ہی ہیں۔واضح وہے کہ رفح میں جاری جنگ اور سفر کی سہولتوں کی کمی کے سبب غزہ پٹی کے کل۱۱؍ اسپتالوں میں سے تین کو مکمل طور پر بند کر دیا گیا ہے جبکہ ۴؍ جزوی طور پر کام کر رہے ہیں۔