مرکزی بجٹ میں نوجوانوں کے ساتھ دھوکہ دہی کیخلاف اتوار کو  یوتھ  این سی پی کی جانب سے گھاٹکوپر میں چھترپتی شیواجی مہاراج مجسمہ کے پاس گاجر دکھا کر اور تربوز پھوڑ کر احتجاج کیا گیا۔

 مرکزی بجٹ میں نوجوانوں کے ساتھ دھوکہ دہی کیخلاف اتوار کو  یوتھ  این سی پی کی جانب سے گھاٹکوپر میں چھترپتی شیواجی مہاراج مجسمہ کے پاس گاجر دکھا کر اور تربوز پھوڑ کر احتجاج کیا گیا۔ مظاہرین کےمطابق مرکز کی مودی حکومت نے بجٹ میں بہار اور آندھرا پردیش ریاستوں پر خصوصی مہربانی کی ہے۔

یہ بھی پڑھئے: یکم اگست سے سائن بریج بند ہوگا

ان دونوں ریاستوں کو ۷۴؍ ہزار کروڑ روپے دیئے گئے ہیں جبکہ سب سے زیادہ ٹیکس ادا کرنے والی ریاست مہاراشٹر کو نظر انداز کیا گیا ہے۔ انہوں نے یہ بھی کہا کہ مہنگائی سے کسان اور مزدور پریشان ہیں۔امیر اور غریب کے درمیان خلیج بڑھتی جارہی ہے لیکن مودی حکومت نے غریبوں کیلئے بھی کوئی راحت نہیں دی ہے۔اس مظاہرے میں ممبئی یوتھ این سی پی کے صدر ایڈوکیٹ امول ماتیلے، نائب صدر اومکار شرکے، جنرل سیکریٹری عمران تڑوی، حنیف پٹیل، انل جیسوال، ضلع صدر سچن لونڈے اور دیگر موجود تھے۔