نیٹ فلیکس اپنی جدید ٹیکنالوجی کو مزید بہتر بنا رہی ہے اور اب ایک اے آئی پر مبنی سرچ انجن کا تجربہ کر کر رہی ہے جو اوپن اے آئی کی مدد سے کام کرے گا۔ صارفین اپنے موڈ یا ترجیحات جیسے مخصوص الفاظ استعمال کر کے سرچ کر سکیں گے، اور یہ ٹول نیٹ فلیکس کے کیٹلاگ میں موجود آپشنز میں سے سفارشات دے گا۔

او ٹی ٹی صارفین اکثر شو اور فلموں کے لامتناہی تلاش کے مسئلے کا سامنا کرتے ہیں۔ اس مسئلے کو حل کرنے کیلئے  نیٹ فلیکس ان کارپوریشن بلومبرگ کی رپورٹس کے مطابق ایک نئی اے آئی پر مبنی سرچ ٹیکنالوجی کا تجربہ کر رہی ہے تاکہ صارفین کو ان کی ترجیحات کے مطابق مواد تجویز کیا جا سکے۔فی الحال، یہ ٹول صرف آسٹریلیا اور نیوزی لینڈ میں آئی او ایس ڈیوائس پر بیٹا ورژن میں دستیاب ہے۔ نیٹ فلیکس نے یہ بھی اعلان کیا ہے کہ وہ جلد ہی اس فیچر کو اپنے امریکی صارفین کیلئے  بھی متعارف کروائے گی۔  

یہ بھی پڑھئے: ’’میں چاہتا ہوں کہ میری پہچان سوشل میڈیا سے نہیں، میرے کام سے ہو‘‘

واضح رہے کہ یہ جدید اے آئی سرچ صارفین کو ان کی ترجیحات کے مطابق سرچ کو ذاتی بنانے کی سہولت دے گی، جس میں صرف صنف یا اداکاروں کے ناموں سے آگے بڑھ کر تلاش کی جا سکے گی۔ آپ اپنے جذبات یا پہلے دیکھے گئے مواد کی وضاحت کر کے سرچ کے دائرے کو وسیع کر سکتے ہیں۔ اے آئی اور مشین لرننگ کا انضمام نیٹ فلیکس کے ماڈل کیلئے  نیا نہیں ہے۔ اس میں ایک مشہور سفارشاتی الگورتھم موجود ہے جو صارف کے دیکھے گئے گزشتہ مواد کی بنیاد پر عنوانات تجویز کرتا ہے۔ تاہم، گزشتہ اپ ڈیٹ کے برعکس، اس تجرباتی ورژن کو استعمال کرنا صارفین کی مرضی پر منحصر ہوگا۔ 

یہ بھی پڑھئے: رنبیر کپور کی بہن ردھیما ساہنی، کپل شرما کے ساتھ کامیڈی فلم میں نظر آئیں گی

کمپنی کے شریک سی ای او ٹیڈ سیرینڈوس نے پہلے بھی تبصرہ کیا تھا کہ اے آئی فلم سازی کو بہتر بنانے میں کیسے مدد کرے گا، لیکن ان کا کہنا ہے کہ یہ تخلیقی عملے جیسے کہ اسکرین رائٹرز اور اداکاروں کی جگہ نہیں لے سکتا۔ تاہم، انتظامیہ اب بھی اے آئی کے استعمال پر آنے والی تنقید کیلئے حساس ہے۔