دی انڈیپنڈنٹ کی اس فہرست میں ٹام کروز، رابرٹ ڈاؤنی جونیئر، اور ایما اسٹون جیسے کئی مشہور نام شامل ہیں۔ مگر صرف ایک ہی ہندوستانی اداکار ہے، اور وہ عرفان خان ہیں۔

’’دی انڈیپنڈنٹ‘‘ کی کلچر ٹیم نے ۲۱؍ ویں صدی کے ۶۰؍ مقبول ترین عالمی ستاروں کی فہرست جاری کی ہے جس میں صرف ایک ہندوستانی اداکار شامل ہیں۔ ٹام کروز، رابرٹ ڈاؤنی جونیئر، مارک روفالو، ایما اسٹون، کرسچن بیل اور دیگر کے ساتھ وہ ہندوستانی مرحوم عرفان خان ہیں۔ ویب سائٹ کی جانب سے تیار کردہ فہرست میں صرف ان فلموں کو مدنظر رکھا گیا ہے جو ۲۰۰۰ء کے بعد ریلیز ہوئیں اور عرفان کو ٹیم نے ۲۱؍ ویں صدی کے ۴۱؍ ویں بہترین اداکار کا نام دیا ہے۔

یہ بھی پڑھئے: ایس ایس راجہ مولی کی نئی فلم میں مہیش بابو کے ساتھ پرینکا چوپڑہ نظر آئیں گی

عرفان خان نے ۸۰؍ کی دہائی کے اواخر میں اپنے کریئر کا آغاز کیا تھا مگر شہرت ۲۰۰۰ء کی دہائی میں ملی۔ عرفان خان نے آصف کپاڈیہ کی برطانوی فیچر فلم ’’دی واریئر‘‘ (۲۰۰۲ء) میں کام کیا تھا جس کے بعد انہیں عالمی شہرت ملی۔ عرفان کو اس فہرست میں ’’انفرنو‘‘ کے ساتھی اداکار ٹام ہینکس، ٹام کروز اور رابرٹ ڈاؤنی جونیئر کے اوپر درج کیا گیا تھا، حالانکہ اس کے مصنف کا خیال ہے کہ وہ کم از کم ٹاپ ۵؍ میں شامل ہونے کے مستحق تھے۔ عرفان خان کی تعریف کرتے ہوئے لکھا گیا ہے کہ ’’عرفان خان کی آنکھیں، بڑی بڑی اور گہرے بھورے رنگ کی ہیں، جو ہمیشہ زندہ رہیں گی۔ انہوں نے اپنی آنکھوں سے جادو چلایا۔ ان کی آنکھیں ہونٹ ہلائے بغیر شاعری سنانے کی طاقت رکھتی ہیں۔ ’’دی واریئر‘‘ میں عرفان ایک حوصلہ مند سپاہی کی طرح نظر آئے۔ ان کی اسی شدت نے انہیں مقبول بنایا۔ وہ کسی فلم میں ویلن بنے تو کسی میں ایک نرم دل انسان۔‘‘

یہ بھی پڑھئے: دبئی: کنسرٹ میں آشا بھوسلے نے کرن اوجلا کا نغمہ ’’توبہ توبہ‘‘ گایا

فہرست میں شامل ٹاپ ۱۰؍ اداکار
(۱) فلپ سیمور ہافمین
(۲) ایما اسٹون
(۳) ڈینیئل ڈے لیوس
(۴) ڈینزیل واشنگٹن
(۵) نکول کڈمین
(۶) ڈینیل کالویا
(۷) گانا کانگ ہو
(۸) کیٹ بلانشیٹ
(۹) کولن فیرل
(۱۰) فلورنس پگ

فہرست میں شامل دیگر اہم نام یہ ہیں: 
(۱۱) نیٹلی پورٹ مین
(۱۴)کرسچن بیل
(۱۵) جینیفر لارنس
(۱۶) کرسٹن اسٹیورٹ
(۱۷) لیونارڈو ڈی کیپریو
(۲۳) پینیلوپ کروز
(۲۶) جوکوئن فینکس
(۲۹) مہرشالہ علی
(۳۱) راین گوزلنگ
(۳۳) مارک روفالو
(۳۹) وائلا ڈیوس
(۴۲) ٹام ہارڈی
(۴۳) اینڈریو گارفیلڈ
(۴۴) رابرٹ ڈاؤنی جونیئر
(۴۵) کیٹ ونسلیٹ
(۴۸) ٹام ہینکس
(۵۵) میتھیو میک کوناگی
(۵۹) ایمی ایڈمز
(۶۰) ٹام کروز
یاد رہے کہ عرفان خان ۲۹؍ اپریل ۲۰۲۰ء کو ۵۳؍ سال کی عمر میں نیورو اینڈوکرائن کینسر کی وجہ سے بڑی آنت کے انفیکشن میں مبتلا ہونے کے بعد انتقال کر گئے۔