بالی ووڈ کے مشہور فلمساز پریا درشن نےاپنی اگلی فلم ’’ہیرا پھیری۳‘‘ کی تصدیق کی ۔اکشے کمار نے کہا ’’یہ میرے لئے بہترین تحفہ ہے۔‘‘ یاد رہے کہ فی الحال پریا درشن اپنی اگلی فلم ’’بھوت بنگلہ‘‘کی شوٹنگ میں مصروف ہیں۔

بالی ووڈکے مشہور فلمساز پریا درشن نے حال ہی میں تصدیق کی ہے کہ وہ ’’ہیرا پھیری ۳‘‘ کی ہدایتکاری کے فرائض انجام دیں گے جس میں اکشے کمار، سنیل شیٹی اور پریش راؤل نظر آئیں گے۔  پنک ویلا کی رپورٹ کے مطابق ’’فلمساز دسمبر ۲۰۲۵ء میں فلم کی شوٹنگ کا آغاز کرنے پر غور و فکر کر رہے ہیں اور یہ فلم ۲۰۲۶ء میں ریلیز ہوسکتی ہے۔‘‘ پنک ویلا کے قریبی ذرائع نے بتایا ہے کہ ’’فی الحال پریا درشن ’’بھوت بنگلہ‘‘کی شوٹنگ میں مصروف ہیں اور جون ۲۰۲۵ء تک وہ فلم کا وی ایف ایکس اور پروڈکشن مکمل کر لیں گے۔‘‘

یہ بھی پڑھئے: ’’ایمرجنسی‘‘ بھی کنگنا رناؤت کی فلاپ فلموں میں شامل

’’اس کے بعد وہ کچھ وقت اسکرپٹ کو دیں کے پھر ’’ہیرا پھیری ۳‘‘ کی شوٹنگ شروع کریں گے۔ پوری ٹیم اس بات سے واقف ہے کہ ’’ہیرا پھیری۳‘‘ کتنا بڑا پروجیکٹ ہے اور وہ یہ نہیں چاہتے کہ وہ فلم کو مزاحیہ بنانے میں کوئی کمی چھوڑیں۔ اسکرپٹ لکھے جانے اور پروڈکشن سے پہلے کے کام مکمل ہوجانے کے ۶؍ ماہ بعد فلم کی شوٹنگ کا آغاز کیا جائے گا۔‘‘ ذرائع کے مطابق ’’فلم کی اسکرپٹ کا ڈھانچہ تیار کیا جاچکا ہے اور فلم کی اسکرپٹ کو نکھارا جارہا ہے۔ دسمبر ۲۰۲۵ء سے مئی ۲۰۲۶ء تک چھ ماہ کے درمیان ’’ہیرا پھیری ۳‘‘ کی شوٹنگ مکمل کی جائے گی۔ فلمسازوں نے اسے ۲۰۲۶ء مین ریلیز کرنے کا منصوبہ بنایا ہے۔‘‘ ذرائع میں مزید کہا گیا ہے کہ’’ہیرا پھیری‘‘نے اکشے کمار کو بہت کچھ دیا ہے اور وہ اس برانڈ سے جذباتی طور پر جڑ گئے تھے۔‘‘

’’ہیرا پھیری ۳‘‘ کی تصدیق 
قبل ازیں اکشے کمار نے سالگرہ پرپریادرشن کو مبارکباد پیش کی تھی۔ انہوں نے اپنے انسٹاگرام پوسٹ پر اپنی اور پریادرشن کی ایک تصویر شیئر کرتے ہوئے کیپشن میں لکھا کہ ’’سالگرہ مبارک! پرین سر! سالگرہ کا جشن منانے کا اس سے بہترین طریقہ کیا ہوگا کہ ہم بھوتوں کے درمیان ’’بھوتیہ‘‘ سیٹ پر اپنا دن گزاریں۔ ہمارے استاد بننے کیلئے شکریہ اور آپ ہی وہ واحد شخص ہیں جو افراتفری کو ایک شاہکار بناسکتے ہیں۔ میری دعا ہے کہ آپ کا دن اچھا گزارے ۔ آپ کیلئے یہ سال بہترین ہو۔‘‘

Happy Birthday, Priyan Sir! What better way to celebrate than by spending the day on a haunted set, surrounded by ghosts…both real and unpaid extras? Thank you for being a mentor, and the only person who can make chaos look like a masterpiece. May your day be filled with fewer… pic.twitter.com/OCQrFtOdtZ

— Akshay Kumar (@akshaykumar) January 30, 2025

پریا درشن نے اکشے کمار کے پوسٹ کے جواب میں لکھا تھا کہ ’’آپ کی مبارکباد کیلئے شکریہ اکشے۔ جواب میں آپ کو تحفہ دینا چاہتا ہوں۔ میں ’’ہیراپھیری۳‘‘ کرنے کا متمنی ہوں۔ اکشے کمار، سنیل شیٹی اور سر پریش راؤل کیا آپ تیار ہیں؟‘‘

یہ بھی پڑھئے: ۳۰؍ جنوری ۲۰۲۵ءکو نیٹ فلکس پر ریلیز کے بعد پشپا ۲؍ نمبر ون پر ٹرینڈ کر رہی ہے

اکشے کمار کا جواب
اس کے جواب میں اکشے کمار نے کہا ’’ سر آپ کی سالگرہ اور مجھے اپنی زندگی کا سب سے بہترین تحفہ ملا ہے۔ چلوکرتے ہیں پھر تھوڑا ہیرا پھیری۔‘‘

یہ بھی پڑھئے: کمال امروہی کے تحریر کردہ ڈائیلاگ عاشق و معشوق خط وکتابت میں ان کے مکالمے استعمال کرتے تھے

’’ہیرا پھیری‘‘ کی کامیاب سیریز
’’ہیرا پھیری‘‘ اپنے منفرد اداکاروں اوراسکرپٹ کی وجہ سے ایک کلاسیک فلم ثابت ہوئی۔ فی الحال پریا درشن اپنی فلم ’’بھوت بنگلہ‘‘ کی شوٹنگ میں مصروف ہیں جس میں اکشے کمار، پریش راؤل اور ویمیقہ گیبی نے ادکاری کی ہے۔ یہ فلم اگلے سال ۲؍ اپریل کو سنیما گھروں میں ریلیزہوگی۔‘‘