شاہد کپور نے حال ہی میں راج شامانی کے ساتھ ایک انٹرویو میں اپنے بچپن کے تجربات کے بارے میں بات چیت کی۔ اس دوران انہوں نے اپنے کریئر کے ابتدائی برسوں کےدوران اپنے والد کی عدم موجودگی میں اپنی شرارتوں کو یاد کیا۔

شاہد کپور نے حال ہی میں اپنے بچپن کے تجربات کے بارے میں بات چیت کی ۔ اس دوران انہوں نے اپنے کریئر کے ابتدائی برسوں کےدوران اپنے والد کی عدم موجودگی میں اپنی شرارتوں کو یاد کیا۔دہلی میں اپنی والدہ، نیلیما عظیم کے ذریعہ پروان چڑھانے کے بارے میں انکشاف کیاکہ وہ سال میں صرف ایک بار اپنے والد پنکج کپورسے مل سکتے تھے جس سے ان کی زندگی میں ایک اہم خلا رہ گیا ۔ یوٹیوب پر راج شامانی کے ساتھ ایک انٹرویو میں انہوں نے اس بات پر تبادلہ ٔ خیال کیا۔
شاہد کپور نے کہا کہ میں ایک ایسے گھر سے آیا ہوں جہاں میرے والدین تین سال کی عمر سے ساتھ نہیں تھے۔ میں اپنی ماں کے ساتھ رہتا تھا۔ میں اپنے والد سے سال میں صرف ایک بار ملتا تھا۔ تو میری زندگی میں مردوں کی موجودگی معمول سے بہت کم تھی۔انہوں نے ایک والدین کی عدم موجودگی کو توازن کا احساس کھونے سے تشبیہ دی ۔انہوں نے کہا کہ والدین آپ کے دو پاؤں کی طرح  ہوتے ہیں لیکن جب ایک نہیں ہوتا تو آپ کو ایسا لگتا ہے کہ آپ توازن نہیں رکھ سکتے کیونکہ ایک دوسرا پاؤں نہیں ہے۔

یہ بھی پڑھئے:تاریخ کی کتابوں میں تصحیح اور تبدیلی کی ضرورت ہے: اکشے کمار

اگرچہ شاہد کے والد روزانہ ان کے ساتھ موجود نہیں تھے، لیکن شاہد نے اپنی زندگی میں ایک مستقل اور غیر مشروط طور پر معاون شخصیت ہونے کا سہرا اپنے نانا کو دیا۔انہوں نے کہا کہ اگر میں اب پیچھے مڑ کر دیکھتا ہوں، تو وہ میری زندگی میں گہرا اثر رکھتے ہیں۔ بچپن میں میری سب سے بہترین یاد یں میرے نانا جی کے ساتھ ہیں۔
شاہد نے اپنے خاندانی حالات کی وجہ سے بچپن میں بدمعاش ہونے کے بارے میں بھی بات کی۔ انہوں نے کہا کہ بچے بہت شرارتی ہوتے ہیں اور جب آپ کے والدین نہیں  ہوتے تو وہ آپ کو اس کے بارے میں برا محسوس کراتے ہیں کہ یہ عام بات نہیں ہے اور دوسرے بچوں نے مجھے اس کا احساس دلایا۔ وہ بچے نہیں جانتے کہ وہ کیا کر رہے ہیں لیکن والدین کی غیر موجودگی میں آپ کو لگتا ہے کہ آپ کی زندگی ختم ہو گئی ہے۔ بیٹی میشا اور بیٹے زین کے والد کے طور پر شاہد کپور نے اس بات کی عکاسی کی کہ کس طرح ان کے بچپن کے تجربات ان کے باپ بننے کے انداز کو متاثر کرتے ہیں۔ انہوں نے وضاحت کی کہ کس طرح والدین ہونے سے جذبات کی آمیزش ہوتی ہے، بشمول اپنے والدین سے سوال کرنا۔ 

یہ بھی پڑھئے:میں نہیں چاہتا کہ میرے بچے ادکاری کا شعبہ منتخب کریں: شاہد کپور

شاہد کپور نے کہا کہ کبھی کبھی آپ کو لگتا ہے کہ میں اپنے باپ یا ماں کی طرح اچھا نہیں ہوسکتا، یا کبھی کبھی آپ کو لگتا ہے کہ میں بہت کچھ کر رہا ہوں، میرے والدین نے اتنا کیوں نہیں کیا؟ آپ دونوں طریقوں سے محسوس کر سکتے ہیں اور دونوں بالکل درست ہیں۔شاہدجو اب اپنے والد کے ساتھ قریبی تعلق رکھتے ہیں، نے اعتراف کیا کہ اداکار بننے کے بعد ان کے تعلقات میں نمایاں بہتری آئی ہے۔ یہاں تک کہ دونوں نے متعدد فلموں میں ایک ساتھ کام کیا ہے جس میں ایک تعلق اور باہمی احترام کی جھلک دکھائی دیتی ہے۔