فلم ’سابرمتی رپورٹ‘ کے اداکار وکرانت ماسی نے ایک حالیہ انٹرویو میں کہا کہ وہ نہیں مانتے کہ مسلمان یا ہندو خطرے میں ہیں۔ چیزیں اتنی بری نہیں ہیں جتنی کہ ان کی تصویر کشی کی جا رہی ہے۔ انہوں نے مزید کہا کہ ہندوستان رہنے کیلئے بہترین ملک ہے۔

فلم ’سابرمتی رپورٹ‘ کے اداکار وکرانت ماسی نے ایک حالیہ انٹرویو میں کہا کہ وہ نہیں مانتے کہ مسلمان یا ہندو خطرے میں ہیں۔ وکرانت، جو پہلے بی جے پی کے نقاد تھے اور حالیہ دنوں میں اپنا موقف بدل چکے ہیں، نے کہا کہ چیزیں اتنی بری نہیں ہیں جتنی کہ ان کی تصویر کشی کی جا رہی ہے۔ انہوں نے مزید کہا کہ ہندوستان رہنے کیلئے بہترین ملک ہے۔ وکرانت نے اپنے پوڈ کاسٹ، ان پلگڈ پر شوبھنکر مشرا کے ساتھ بات کرتے ہوئے کہا کہ وہ چیزیں جن کو میں برا سمجھتا تھا، وہ دراصل میرے نقطہ نظر سے بری نہیں ہیں۔ وہ چیزیں جو میں دوسروں کے بارے میں پسند کرتا تھا، وہ حقیقت میں اتنی اچھی نہیں ہیں۔ میں بھی ایک مسلسل ترقی پذیر شخص ہوں۔ آج مجھے لگتا ہے کہ یہ اتنا برا نہیں ہے۔ لوگ کہتے ہیں کہ ہندو خطرے میں ہیں، مجھے نہیں لگتا کہ وہ خطرے میں ہیں۔ لوگ کہتے ہیں مسلمان خطرے میں ہیں، کسی کو خطرہ نہیں۔ سب کچھ ٹھیک چل رہا ہے۔ یہ دنیا میں رہنے کیلئے بہترین ملک ہے۔ یورپ، فرانس، امریکہ چلے جائیں، آپ دیکھیں گے کہ کیا ہو رہا ہے۔ یہ اس وقت رہنے کے قابل واحد ملک ہے۔ 

یہ بھی پڑھئے: بھول بھلیاں ۳؍ نے سنگھم اگین کو پچھاڑ دیا، ۲۰۰؍ کروڑ کلب میں شامل

اداکار نے مزید کہا کہ وہ محسوس کرتے ہیں کہ کوئی لیفٹ اور رائٹ نظریہ نہیں ہے۔ اس کے بجائے، نظریات حق ایک قطعی صحیح نظریہ ہے۔ ملک ترقی کر رہا ہے۔ مجھے حکومت ہند کی طرف سے بھی عزت و تکریم ملی ہے۔ مجھے حلف برداری کی تقریب میں بلایا گیا۔ میری فلم سرکاری اسکولوں کے بچوں کو دکھائی گئی، میں نے انہیں دکھانے کیلئے نہیں کہا تھا لیکن انہیں ۱۲؍ویں فیل دکھایا گیا تھا تاکہ وہ اپنی شناخت بنانے اور ملک کی ترقی میں اپنا حصہ ڈالنے کی ترغیب دیں۔ تو یہ اچھی چیزیں ہیں، میں اس کیلئے خوش ہوں۔ 

یہ بھی پڑھئے: جانی واکر ایسے مزاحیہ اداکار تھے جن پر ایک گانا ضرور فلمایا جاتا تھا

وکرانت نے اصرار کیا کہ وہ اب خود کو بدلنے کی کوشش کررہے ہیں۔ انہوں نے اشارہ کیا کہ وہ اس کام کو قبول کر رہے ہیں جو حکمراں جماعت ملک کو بہتر بنانے کیلئے کر رہی ہے۔ ان کے اس اقدام نے تنازع کو جنم دیا جس میں ان پر الزام لگایا گیا کہ وہ صرف مرکزی دھارے کے رجحانات کی پیروی کرنے اور اپنی فلم کی تشہیرکیلئے رخ بدل رہے ہیں۔ سوشل میڈیا کے صارفین نے انہیں موقع پرست شخص کہا۔ بتا دیں کہ وکرانت ماسی فلم’ دی سابرمتی رپورٹ‘ میں نظر آئیں گے۔ یہ فلم ان واقعات پر مبنی ہے جو۲۷؍ فروری۲۰۰۲ء کو گودھرا ٹرین جلانے کے واقعے کے دوران پیش آئے، جس میں سابرمتی ایکسپریس ٹرین بھی شامل تھی۔