کے سی آر کے بیٹے کے ٹی راما راؤ نے کہا کہ انتخابات ختم ہوتے ہی حیدرآباد کو مرکز کے زیر انتظام علاقہ قرار دے دیا جائے گا۔

لوک سبھاانتخابات کے دوران بھارت راشٹرا سمیتی (بی آر ایس) کے ایگزیکٹیو ورکنگ صدر کے ٹی راما راؤ (کے ٹی آر) نے بی جے پی اور این ڈی پرسنگین الزام عائد کیا۔ انہوں نے کہا کہ انتخابات ختم ہوتے ہی یعنی ۲؍ جون کے بعد مودی حکومت حیدرآباد کو مرکز کے زیرانتظام علاقہ قرار دے سکتی ہے۔ 

کانگریس: سورت کے بعد اندور کے امیدوار انتخابی دوڑ سے باہر، بی جے پی میں شامل

کریم نگر لوک سبھا سیٹ سے اپنی پارٹی کے امیدوار کی حمایت میں یہاں ایک روڈ شو کے بعد عوام  سے خطاب کرتے ہوئے سابق ریاستی وزیر نے کہا کہ مجھے واضح اشارہ ملاہے کہ۲؍ جون کے بعد مودی حکومت کی جانب سے حیدرآباد کو مرکز کے زیر انتظام علاقہ قرار دے کر اور تلنگانہ اور آندھرا پردیش کیلئے مشترکہ دارالحکومت( حیدرآباد) کا اعلان کر سکتاہے۔

یہ بھی پڑھئے: کینیا: سیلاب کی وجہ سے وزرات تعلیم کا ایک ہفتے تک اسکولیں بند رکھنے کا فیصلہ

اس موقع پر انہوں نے کانگریس کو بھی آڑے ہاتھوں لیا۔ انہوں نے کہا کہ کانگریس کی اس معاملے میں خاموشی بتا رہی ہے کہ وہ بھی بی جے پی کی اس سازش میں شریک ہے۔ انہوں نے کہا کہ بی آر ایس ہی وہ طاقت ہے جو پارلیمنٹ میں آوازبلند کرکے مودی حکومت کو اس طرح کے  اقدامات سے روک سکتی ہے۔انہوں نے عوام کو متنبہ کرتے ہوئے کہا کہ اگر پارلیمنٹ میں بی جے پی  کے پاس دو تہائی اکثریت ہوگئی تو وہ آئین کو تبدیل کرکے ایس سی،ایس ٹی ریزرویشن کو بھی ختم کرسکتی ہے۔