ایپل آئی فون نے اعلان کیا ہے کہ وہ ڈکٹیشن کے نقص کو درست کرے گا، ٹیک کمپنی نے فونیٹک اوور لیپ کو اس مسئلے کا ذمہ دار قرار دیا، جہاں نسل پرست کی جگہ امریکی صدر کا نام ظاہر ہوتا ہے۔

ایپل نے اپنے آئی فون کی خودکار ڈکٹیشن ٹول میں ایک خامی کو ٹھیک کرنے کا وعدہ کیا ہے، جب کچھ صارفین نے اطلاع دی کہ جب وہ لفظ ’’نسل پرست ‘‘کہتے ہیں تو یہ انہیں ’’ٹرمپ‘‘ کا لفظ تجویز کرتا ہے۔یہ مسئلہ پہلی بار ٹک ٹاک پر ایک وائرل پوسٹ میں سامنے آیا، جب اسپیچ ٹو ٹیکسٹ ٹول نے ’’نسل پرست ‘‘کہنے پر ’’ ٹرمپ ‘‘کا لفظ دکھایا، اور بعد میں سوشل میڈیا پردیگر صارفین نے بھی اس کی تصدیق کی۔

یہ بھی پڑھئے: ٹرمپ نےاے آئی کی مدد سے ڈانس کلب، ساحل سمندر کےساتھ غزہ کا ویڈیو پیش کیا

کمپنی نے اس نقص کی وجہ یہ بتائی کہ اس کا ٹول ان الفاظ کو ظاہر کرتا ہے جن میں ’’صوتی مماثلت ‘‘ ہوتی ہے، جب تک کہ ’’مطلوبہ لفظ‘‘ کی شناخت نہ ہو جائے، اور اس میں’ آر‘ تلفظ والے الفاظ شامل تھے۔تاہم، اس مسئلے نے امریکہ میں کچھ قدامت پسند مبصرین میں غم و غصہ پیدا کیا ہے، جو طویل عرصے سے بڑی ٹیک کمپنیوں پر دائیں بازو کےافراد کے خلاف سیاسی تعصب کا الزام لگاتے رہے ہیں۔یہ نقص ایپل کی مصنوعی ذہانت کی صلاحیتوں پر بھی سوال اٹھاتا ہے، جبکہ صرف ایک دن بعد جب کمپنی نے امریکہ میں ۵۰۰؍ ارب ڈالر کی سرمایہ کاری کا اعلان کیا، جسے عام طور پر ڈونالڈ ٹرمپ کی حکومت کو راغب کرنے کی کوشش کے طور پر دیکھا گیا۔کمپنی کے مطابق ملک بھر میں تقریباً ۲۰؍ ہزار ملازمتیں پیدا ہوں گی۔

یہ بھی پڑھئے: چین: اے آئی سے کنٹرول ہونے والے روبوٹ میں خرابی آگئی، تقریب میں حاضرین پر حملہ کردیا، ویڈیو وائرل

یہ پہلا موقع نہیں ہے جب ایپل نے ٹرمپ انتظامیہ کے دوران امریکی معیشت میں اربوں ڈالر کی سرمایہ کاری کا اعلان کیا ہے۔۲۰۱۸ء میں، وائٹ ہاؤس میں اپنے پہلے دور میں، ایپل نے کہا تھا کہ نئی اور جاری سرمایہ کاری پانچ سالوں میں امریکی معیشت میں ۳۵۰؍ارب ڈالر کا اضافہ کرے گی۔آئی فون بنانے والی کمپنی ٹرمپ کے پہلے دور میں چین پر عائد ٹیرف میں کچھ چھوٹ حاصل کرنے میں کامیاب رہی تھی۔