مائیکروسافٹ کے ارب پتی سی ای او بل گیٹس نے مستقبل میںمصنوعی ذہانت کی مداخلت سے محفوظ رہنے والے پیشوں کی نشاندہی کر کے سوشل میڈیا پر کافی دھوم مچا دی ہے۔ لیکن اس سے زیادہ توجہ ان کے۵؍ دن کے کام کے ہفتے کے خیالات پر مرکوز ہے۔

مصنوعی ذہانت (اے آئی)  کے بڑھتے ہوئے استعمال کی بدولت،مائیکر سافٹ کے سی ای او بل گیٹس نے پیش گوئی کی ہے کہ ۱۰؍سال میں انسان اپنے۵؍ دن کے کام کے ہفتے کو گھٹا کر صرف۲؍ دن کر سکتے ہیں، جس سے روزانہ۹؍ سے۵؍ کی مصروفیت سے نجات مل سکے گی۔ گیٹس کا کہنا تھا کہ انسانوں کی ضرورت شاید زیادہ تر چیزوں کیلئے نہ رہے، اس لیے یہ ماننا مناسب اور محفوظ ہے کہ آنے والے سالوں میں بہت سے کام کی جگہیں تنظیم نو سے گزریں گی، جس سے دفتر جانے والوں کی روزمرہ کی مشقت ختم ہو جائے گی۔  

یہ بھی پڑھئے: امریکہ میں ٹرمپ کے کریک ڈاؤن کے درمیان غیر قانونی تارکینِ وطن کنیڈا فرار ہورہے ہیں: رپورٹ

واضح رہے کہ یہ پہلا موقع نہیں جب گیٹس نے اس متنازعہ موضوع پر بات کی ہے۔ جب۲۰۲۳ء میں چٹ جی پی ٹی لانچ ہوئی تھی، گیٹس نے کہا تھا کہ معاشرہ آخرکار۳؍ دن کے کام کے ہفتے کی طرف منتقل ہو سکتا ہے، اور پھر دنیا کو سوچنا ہوگا کہ اپنا تمام فارغ وقت کیسے گزارا جائے۔ دلچسپ بات یہ ہے کہ ہم نے چٹ جی پی ٹی سے پوچھا کہ کیا مستقبل میں 2 دن کے کام کے ہفتے کا تصور ممکن ہے؟ اس کا جواب تھا’۲؍ دن کے کام کا ہفتہ ایک دلچسپ تصور ہے، اور اگرچہ یہ ابھی غیر روایتی لگتا ہے، لیکن مستقبل میں یہ کچھ خاص شرائط کے تحت ممکن ہو سکتا ہے۔اے آئی پلیٹ فارم نے اس کی وجوہات بھی بتائیں جن میں آٹومیشن،اے آئی کی ترقی، معاشی تبدیلیاں، ثقافتی تبدیلیاں، ذہنی اور جسمانی صحت، اور عالمی سطح پر مقابلہ شامل ہیں۔

یہ بھی پڑھئے: امریکہ نے۳۰۰؍ سے زائد طلبہ کے ویزے منسوخ کر دیے:مارکو روبیو نے تصدیق کی

 چٹ جی پی ٹی نے مزید کہاکہ ’’خلاصہ یہ کہ اگرچہ۲؍ دن کا کام کا ہفتہ قریب المستقبل میں ممکن نہیں لگتا، لیکن ٹیکنالوجی، ثقافت اور معیشت میں بڑی تبدیلیاں اسے مستقبل میں زیادہ حقیقت پسندانہ بنا سکتی ہیں، خاص طور پر ان صنعتوں میں جو آٹومیشن، لچک اور کام و زندگی کے توازن کو بروئے کار لا سکیں۔