کنیڈا اور برطانیہ کے مرکزی بینکوں کے سابق سربراہ مارک کارنی کنیڈا کے نئے وزیراعظم منتخب ہوگئے۔ کارنی، وزیر اعظم جسٹن ٹروڈو کی جگہ جلد لیں گے۔ اتوار کو اپنی تقریر کے دوران نے انہوں نے دبے الفاظ میں امریکہ کو نشانہ بنایا۔

کنیڈا اور برطانیہ کے مرکزی بینکوں کے سابق سربراہ مارک کارنی کنیڈا کے نئے وزیراعظم منتخب ہوگئے۔ کنیڈا کی حکمران جماعت نے مارک کارنی کو نیا لیڈر منتخب کر لیا، کارنی جلد وزیر اعظم جسٹن ٹروڈو کی جگہ لیں گے۔ مارک کارنی نے لبرل پارٹی کی قیادت کی دوڑ میں بھاری اکثریت سے کامیابی حاصل کی جس میں انہوں نے۸۵؍ فیصد سے زائد ووٹ حاصل کئے اور تمام ۳۴۳؍ نشستیں حاصل کرلیں۔ اتوار کو ہونے والی رائے شماری کے بعد مارک کارنی لبرل پارٹی کے سربراہ منتخب ہوئے۔ وہ کنیڈا کے موجودہ وزیر اعظم جسٹن ٹروڈو کی جگہ لبرل پارٹی کی قیادت بھی سنبھالیں گے۔ 

یہ بھی پڑھئے: آج سے جنگ بندی مذاکرات کے دوسرے مرحلے کا آغاز متوقع

ذرائع کے مطابق اتوار کو دوران تقریر کنیڈاکے نو منتخب وزیراعظم نے اپنی عوام کو متنبہ کیا کہ کنیڈا پر مشکل وقت آنے والا ہے، انہوں نے دبے الفاظ میں امریکہ کو نشانہ بناتے ہوئے کہا کہ یہ مشکل وقت ایک ایسے ملک کی وجہ سے آرہا ہے جس پر اب بھروسہ نہیں کیا جا سکتا۔ تقریر میں مارک کارنی ٹرمپ کا نام لئے بغیر انہیں نشانہ بناتے ہوئے کہا کہ کوئی ہے جو ہماری معیشت کو نقصان پہنچانے کی کوشش کر رہا ہے، وہ کنیڈا کے کارکنوں، خاندانوں اور کاروبار کو نقصان پہنچانے کی کوشش کر رہے ہیں اور کنیڈین انہیں کامیاب نہیں ہونے دے سکتے۔ مارک کارنی نے امریکہ کو پیغام دیتے ہوئے کہا کہ میری حکومت اس وقت تک محصولات کو برقرار رکھے گی جب تک کہ امریکی ہمیں عزت دینا شروع نہیں کر دیتے۔ 

یہ بھی پڑھئے: مسجد اقصیٰ میں نمازِ تراویح میں ہزاروں فلسطینیوں کی شرکت

مارک کارنی کب وزیرِ اعظم کے عہدے کا حلف اٹھائیں گے؟
کارنی کی جانب سے وزیرِ اعظم کے عہدے کا حلف اٹھانے سے قبل جسٹن ٹروڈو کو اپنے عہدے سے باضابطہ طور پر استعفیٰ دینا ہو گا۔ ٹروڈو کے استعفے کے بعد کنیڈاکے گورنر جنرل کارنی سے وزیرِ اعظم کے عہدے کا حلف لیں گے اور انہیں حکومت قائم کرنے کا کہیں گے۔ تاہم، ۲۰؍ اکتوبر سے قبل کنیڈامیں عام انتخابات کروانے ضروری ہیں۔ اس لئے توقع نہیں کی جارہی کہ نیا وزیر اعظم زیادہ دیر تک اس عہدے پر فائز رہے گا۔ واضح رہے کہ امریکہ نے محصولات کے جواب میں کنیڈا کے موجودہ وزیرِ اعظم ٹرودو نے بھی۱۰۸؍ ارب ڈالرز کی امریکی مصنوعات پر۲۵؍ فیصد ٹیرف عائد کیا تھا۔ ٹروڈو نے الزام لگایا تھا کہ ٹرمپ کا محصولات عائد کرنے کا مقصدکنیڈا کی معیشت کو تباہ کرنا ہے تاکہ امریکہ کیلئے کنیڈاکو اپنی ۵۱؍ویں ریاست بنانے کی راہ ہموار کی جا سکے۔ انہوں نے آخری دم تک مقابلہ کرنے کا اعلان کیا تھا۔