آج مصر کی وزارت خارجہ نے اعلان کیا ہے کہ مصر عالمی عدالت میں جنوبی افریقہ کے ذریعے اسرائیل کے خلاف غزہ میں نسل کشی کے مقدمے میں شمولیت اختیار کرے گا۔ مصری وزارت خارجہ نے کہا کہ فلسطینیوں پر اسرائیل کے بڑھتے تشدد اور استحصال، منظم طریقے سے غزہ میں شہریوں کو نشانہ بنانا اور انفراسٹر کچر کی وسیع تر تباہی کو مدنظر رکھتے ہوئے مصر نے یہ فیصلہ کیا ۔

مصر نے کہا ہے کہ وہ جنوبی افریقہ کی جانب سے عالمی عدالت میں اسرائیل کے خلاف غزہ میں اس کی جارحیت کیلئے داخل کئے گئے مقدمہ میں شمولیت اختیار کرے گا۔ اس ضمن میں مصری وزارت خارجہ نے کہا کہ فلسطینیوں پر اسرائیل کے بڑھتے ہوئے تشدد اور انہیں استعمال کرنے اور جان بوجھ کر غزہ میں شہریوں کو نشانہ بنانے اور انفراسٹر کچر کی بڑے پیمانے پر تباہی کو مدنظر رکھتے ہوئے مصر نے یہ فیصلہ کیا ہے۔ مصر کی یہ کارروائی اسرائیل کے انسانی قوانین ، عالمی قوانین اور جنگ کے دوران شہریوں کی حفاظت کے ۱۹۴۹ء کے ۴؍ جینوا کنویشن کی خلاف ورزی کرنے کے خلاف کی جا رہی ہے۔ 

یہ بھی پڑھئے: آج چوتھے مرحلے کی پولنگ، پانچویں مرحلے کیلئے انتخابی مہم میں شدت

مصر نے اسرائیل سے کہا کہ وہ اپنی ذمہ داریوں کو اور عالمی عدالت کی جانب سے غزہ میں انسانی امداد کی رسائی کیلئے دیئے گئے احکامات کی پابندی کرتے ہوئے وہاں عارضی اقدامات نافذ کرے۔مصر نے یو این سلامتی کاؤنسل اور اسٹیک ہولذز سے بھی اپیل کی کہ غزہ میں فوری جنگ بندی ، رفح میں فوجی آپریشن کو روکنے اور فلسطینی شہریوں کی حفاظت کیلئے اس معاملے میں فوری مداخلت کرے۔

Furious Egypt strikes #Israel after #Rafah assault; Cairo joins South Africa`s genocide case at ICJ pic.twitter.com/1oStsFTLsO

— The Times Of India (@timesofindia) May 13, 2024

عالمی عدالت میں نسل کشی کے مقدمے میں ترکی کی شمولیت 
اس ماہ کے آغاز میں ترکی کی گرینڈ نیشنل اسمبلی جسٹس کمیٹی کے چیئرمین نے کہاتھا کہ ترکی جنوبی افریقہ کے ذریعے عالمی عدالت میں اسرائیل کے خلاف غزہ میں نسل کشی کیلئے دائر کئے گئے مقدمے میں سرکاری طور پر ملوث ہونے کا اعلان کرتا ہے۔

یہ بھی پڑھئے: سپریم کورٹ نے ہیمنت سورین کی عرضی پر ای ڈی سے ۱۷؍ مارچ کو جواب طلب کیا

عالمی عدالت کے آرٹیکل ۶۳؍ کے تحت ترکی کو یہ حاصل ہے کہ وہ اس معاملے میں مداخلت کرے اور اپنی رائے بھی پیش کرے۔ 
ترکی کے وزیر خارجہ ہکان فیدان کا یہ اعلان ظاہر کرتا ہے کہ ترکی انصاف کے ساتھ کھڑا ہے اور نسل کشی کی مخالفت کرتا ہے۔ 

Nearly 360,000 people have fled #Rafah since the first evacuation order a week ago.

Meanwhile, in north #Gaza bombardments & other evacuation orders have created more displacement & fear for thousands of families.

There’s nowhere to go. There’s NO safety without a #ceasefire pic.twitter.com/BEgP97DVNi

— UNRWA (@UNRWA) May 13, 2024

غزہ میں اسرائیلی جارحیت، انسانی جانوں کی تباہی
خیال رہے کہ اب تک اسرائیلی جارحیت کے نتیجے میں محصور خطے میں ۳۵؍ ہزار سے زائدافراد جاں بحق جبکہ ۷۸؍ ہزار سے زائد زخمی ہوئے ہیں۔۷؍ اکتوبر کو شروع ہوئی اس جنگ کے نتیجے میں غزہ کی آدھی سے زائد آبادی تباہ کن حالات اور بھکمری کا سامنا کرنے پر مجبور ہے۔ 

Restricted humanitarian access is a matter of life or death for people in the #GazaStrip, who are already suffering amid relentless bombardments and food insecurity.

We immediately and urgently need safe passage for humanitarian aid and workers. pic.twitter.com/mXCWSpMkTN

— UNRWA (@UNRWA) May 13, 2024

تاہم، گزشتہ ہفتے حماس نے مصر اور قطر کی جانب سے جنگ بندی کی پیش کردہ تجویز قبول کی تھی جبکہ اسرائیل نے اسے ناقبول کیا تھااور کہاتھا کہ یہ اسرائیل کے مفادمیں نہیں۔ اسرائیل نے رفح میں فوجی آپریشن کے آغاز کا بھی اشارہ دیاتھا۔یاد رہے کہ جنوری میں اس کیس کی سماعت کے دوران اسرائیل کو عالمی عدالت میں نسل کشی کا مرتکب ٹھہرایا گیا تھا اور عالمی عدالت نے اسرائیل کو حکم جاری کیا تھا کہ وہ غزہ مین شہریوں کی حفاظت کیلئے فوری احکامات کرے۔