بدھ کو اقوام متحدہ سلامتی کاؤنسل میں ہندوستان کے نائب نمائندے آر رویندر نے غزہ میں فوری اور مستقل جنگ بندی اور یرغمالوں کی بلا شرائط رہائی کا مطالبہ کیا ہےاور کہا کہ ہندوستان مذاکرات اور سفارتکاری کے ذریعے جنگ کے پر امن حل کے حق میں ہے۔

بدھ کو اقوام متحدہ ( یو این) کے سلامتی کاؤنسل میں ہندوستان نے غزہ میں فوری اور مستقبل جنگ بندی کے اپنے مطالبے کو دہرایا ۔ ہندوستان نے حماس کی قید میں اسرائیلی یرغمالوں کی رہائی کا مطالبہ بھی کیا۔

#IndiaAtUN

Ambassador R. Ravindra, Chargé d`Affaires & DPR, delivered India`s statement at the UNSC Open Debate on the Middle East today. pic.twitter.com/PTat4Z0PfB

— India at UN, NY (@IndiaUNNewYork) July 17, 2024

خیال رہے کہ اب تک اسرائیلی جارحیت کے نتیجے میں۳۹؍ ہزار سے زائد فلسطینی جاں بحق جبکہ ۸۹؍ ہزار سے زائد زخمی ہوئے ہیں۔ اسرائیل کے حملوں میں ہلاک ہونے والے فلسطینیوں میں ۱۵؍ ہزار تعداد بچوں کی ہے۔

یہ بھی پڑھئے: اُتر پردیش میں سیاسی اُٹھا پٹخ تیز،بڑی تبدیلیوں کا اشارہ

بدھ کواقوام متحدہ میں ہندوستان کے نائب نمائندہ آر رویندرنے مشرقی وسطیٰ میں اقوام متحدہ (یو این) کے سلامتی کاؤنسل کے آزادانہ مباحثہ میں غزہ کی حمایت میں یہ کہا ہے۔ انہوں نے کہا کہ ’’ہندوستان ان ممالک میں شامل ہے جنہوں نے ۷؍ اکتوبر ۲۰۲۳ء کو اسرائیل پر دہشت گردانہ حملے کی سخت مذمت کی تھی۔ ہم اسرائیل حماس جنگ کے نتیجے میں فلسطین میں جانوں کے ضیاع کی بھی سخت مخالفت کرتے ہیں ۔ ہمارا مطالبہ ہے کہ جنگ روکنے،اس کی شدت کو کم کرنے اور سفارتکاری اور مذاکرات کے ذریعے پر امن حل تلاش کرنا ہے۔ ‘‘

یہ بھی پڑھئے: بنگلہ دیش احتجاج: مہلوکین کی تعداد ۷؍ہوگئی، یونیورسٹیاں غیر معینہ مدت کیلئے بند

انہوں نے کہا کہ ’ہم غزہ میں مکمل فوری اور مستقل جنگ بندی اور محفوظ، بروقت،بلاروک ٹوک اور مستقل انسانی امداد اور طبی خدمات کی رسائی کا مطالبہ کرتے ہیں۔مزید برآں ہم تمام یرغمالوں کی بلاشرائط رہائی کا بھی مطالبہ کرتے ہیں۔‘‘ رویندر نے مزید کہا کہ ہندوستان نے ہمیشہ جمہوریت کو قائم کرنے کیلئے دو ریاستی حل اور آزادانہ فلسطینی ریاست کے قیام کی حمایت کی ہے۔ہندوستان نے ۲۰۱۸ءسے اقوام متحدہ کی ایجنسی برائے فلسطینی پناہ گرین (یو این آر ڈبلیو اے) کو ۵؍ ملین ڈالر (یعنی ۸ء۴۱؍ کروڑ روپے) کی فنڈنگ کی ہے۔