کیرالا کے وزیر اعلیٰ پینارائے وجئے ین نے غزہ میں اسرائیلی جارحیت کی مذمت کی اور دنیا بھر میں سامراج مخالف اور امن کے حامی افراد سے اپیل کی کہ وہ خوف و دہشت کے خلاف اپنی آوازیں بلند کریں۔

کیرالا کے وزیر اعلیٰ اور مارکسی تجربہ کار لیڈر پینارائے وجئے ین نے آج غزہ میں اسرائیل کے مسلسل حملوں کی مذمت کی اور دنیا بھر میں سامراج مخالف اور امن پسند کرنے والے افراد سے اپیل کی کہ وہ ’’خوف و دہشت‘‘ کے خلاف اپنی آوازیں بلند کریں۔

یہ بھی پڑھئے: ریمل سے مغربی بنگال متاثر، طوفانی بارش سے کولکاتا زیر آب!

انہوں نے اپنے فیس بک پوسٹ میں، اسرائیل کے اتوار کو رفح کے پناہ گزیں کیمپ میں کی جانے والی بمباریوں کی رپورٹس کا حوالہ دیتے ہوئے کہا کہ اسرائیلی فوجوں نے غزہ میں سامراجی مظالم جاری رکھے ہیں جس نے دنیا بھر میں لوگوں کے ضمیر کو جھنجھوڑ کر رکھ دیا ہے۔

یہ بھی پڑھئے: دہلی سے وارانسی جانے والی انڈیگو کی پرواز میں بم کی افواہ

انہوں نے مزید لکھا ہے کہ’’یہ حملہ عالمی عدالت کے رفح میں تشدد کے خاتمے کے حکم کے بعد کیا گیا ہے۔ اب تک اسرائیلی مظالم کے نتیجے میں ۳۶؍ ہزار سے زائد فلسطینی جاں بحق ہو چکے ہیں۔ اسرائیلی قبضے ، جس کا امریکی سامراجیت تعاون کر رہی ہے، کے خلاف دنیا بھر میںوسیع پیمانے پر احتجاج ہوئے۔ اسرائیل کو ان مظاہروں سے کوئی فرق نہیں پڑتا اس نے اپنے فوجی حملے جاری رکھے ہیں۔‘‘
وزیر اعلیٰ نے اپیل کی کہ دنیا بھرمیں سامراجیت مخالفت اور امن کے حامی افراد کو اس خوف و دہشت کے خلاف آواز اٹھانے کی ضرورت ہے۔غزہ کے شہریوں کو اپنی حقیقی زندگی میں لوٹنے کا موقع دیا جانا چاہئے۔‘‘