اقوام متحدہ کی ایجنسی یو این آر ڈبلیو اے نے کہا کہ اسرائیل کے رفح میں فوجی آپریشن شروع کرنے کے ایک ماہ بعد وہاں سے زیادہ تر فلسطینیوں نے نقل مکانی کر لی ہے جبکہ ایک لاکھ سے بھی کم فلسطینی رہ گئے ہیں۔ خیال رہے کہ غزہ میں فی الحال ایک ملین سے زائد بے گھر فلسطینی شہری ہیں۔

اقوام متحدہ کی فلسطینی پناہ گزینیوں کی ایجنسی یو این آر ڈبلیو اے نے کہا کہ اسرائیل کے رفح میں فوجی آپریشن شروع کرنے کے ایک ماہ بعد وہاںکے زیادہ تر بے گھر فلسطینیوں نے نقل مکانی کر لی ہے اور رفح میں ایک لاکھ سے بھی کم لوگ بچے ہیں۔

رفح میں کروڑوں فلسطینی بے گھر ہوئے ہیں۔ تصویر: ایکس

فی الحال غزہ میں ۷ء۱؍ملین ایسے افراد ہیں جنہیں زبردستی نقل مکانی پر مجبور کیا گیا ہے ۔ یہ غزہ کی ۷۰؍ فیصد آبادی ہے۔ ایجنسی کے مطابق ان میں سے بہت سے افراد کئی مرتبہ نقل مکانی کر چکے ہیں۔ 

یہ بھی پڑھئے: کہیں زیادہ کہیں کم، شمار کئے گئے ووٹوں میں فرق

خیال رہے کہ رفح کو اسرائیل نے فلسطینیوں کیلئے ’’سیف زون‘‘ قرار دیا تھا ۔ تاہم، اسرائیل نے عالمی برادری اور امریکی صدر جوبائیڈن کی بارہا تاکید کے باوجود مئی کے اوائل میں رفح میں فوجی آپریشن شروع کیا تھا جس کے نتیجے میں سیکڑوں فلسطینی جاں بحق ہو چکے ہیں جبکہ لاکھوں دوبارہ بے گھر ہونے پر مجبور ہوئے ہیں۔

یہ بی پڑھئے: حکومت کی بڑی ٹیک کمپنیوں پر لگام لگانے کی تیاری

اسرائیل کے رفح اور غزہ میں حملوں نے فلسطینیوں کیلئے روزمرہ کی زندگی کو مشکل ترین بنا دیا ہے۔محصور خطے میں فلسطینی شہری بڑے پیمانے پر بنیادی اشیاء کی قلت کا سامنا کر رہے ہیں جبکہ بھکمری سے جوجھ رہے ہیں۔ اسرائیل نے عالمی عدالت کے رفح اور غزہ میں فوجی آپریشن کو روکنے کے حکم کی بھی مخالفت کی۔