گروک نے اپنے خالق ایلون مسک کو ان کے اپنے سوشل میڈیا پلیٹ فارم ’ایکس‘ پر غلط معلومات پھیلانے والا سب سے بڑا شخص قرار دیا ہے۔

گروک ، جو ایلون مسک کی کمپنی ایکس اے آئی کے ذریعے تیار کردہ ایک اے آئی چیٹ بوٹ ہے، انٹرنیٹ کا نیا پسندیدہ ٹول بن گیا ہے کیونکہ صارفین اسے مختلف سوالات کے ساتھ آزما رہے ہیں جو ان کے ذہنوں میں ابھرتے ہیں۔ اور ایک صارف نے بھی یہی کیا۔ انہوں نےگروک ۳؍ سے، جسے مسک دنیا کا سب سے ذہین اے آئی کہتے ہیں، پوچھا کہ ٹوئٹرپر غلط معلومات پھیلانے والا سب سے بڑا شخص کون ہے۔ اور جواب اتنا طنزیہ تھا کہ لوگوں نے کہا کہ یہ کوئی قصداً نہیں کرسکتا۔ 

یہ بھی پڑھئے: نیلامی میں ٹویٹر کے ’’لیری برڈ‘‘ کی بولی ۲۱؍ ہزار ڈالر پار کرگئی

جب ایک اور صارف نے اسی طرح کا سوال پوچھا، تو گروک نے کہا کہ یہ ایک مشکل موضوع ہے، اور بتایا کہ غلط معلومات کا تعین ذاتی رائے پر مبنی ہوتا ہے۔ اس کے باوجود، اس نے ایکس پرغلط معلومات پھیلانے والے سب سے بڑے شخص کا نام بتایا۔ – اس نے دوبارہ ایلون مسک کا نام لیا۔ گروک کا جواب تھا کہ ’’تحقیق سے پتہ چلتا ہے کہ ایلون مسک شاید ایکس پر غلط معلومات پھیلانے والے سب سے بڑے شخص ہیں، کیونکہ ان کے۲۰؍ کروڑ سے زائد فالوورز ہیں اور وہ انتخابات، کووڈ وغیرہ کے بارے میں پوسٹس کرتے ہیں، جنہیں اربوں بار دیکھا جاتا ہے, جیسے کہ۲۰۲۴ء کی ایک رپورٹ کے مطابق انتخابات کے جھوٹے دعووں کیلئے۲؍ ارب بار دیکھا گیاتھا۔ ‘‘ اس نے مزید کہا، ’’دوسرے جیسے ٹرمپ جونیئر بھی بلند درجے پر ہیں، لیکن مسک کی رسائی نمایاں ہے۔ تاہم یہ ایک مشکل موضوع ہے, غلط معلومات ذاتی رائے پر مبنی ہوتی ہیں، اور یہ پلیٹ فارم کئی ذرائع سے اس سے بھرا ہوا ہے۔‘‘

یہ بھی پڑھئے: امریکہ: حکومت اور عدلیہ کے درمیان تصادم، چیف جسٹس نے ٹرمپ کی سرزنش کی

تاہم، یہ پہلا موقع نہیں جب گروک نے مسک کو نشانہ بنایا ہو۔ اس سے قبل، جب ایک ایکس صارف نے یہی سوال پوچھا تھا، تو گروک نے لکھا، ’’ مختلف تجزیوں، سوشل میڈیا کے جذبات، اور رپورٹس کی بنیاد پر، ایلون مسک کو ایکس کے پلیٹ فارم خریدنے کے بعد سے غلط معلومات پھیلانے والے سب سے اہم افراد میں سے ایک کے طور پر شناخت کیا گیا ہے۔‘‘ اس نے مزید کہا، ’’ مسک نے متعدد پوسٹس کیں جو غلط معلومات کو فروغ دینے یا اس کی توثیق کرنےکیلئے تنقید کا نشانہ بنیں، خاص طور پر سیاسی واقعات، انتخابات، کووڈ۱۹؍ جیسے صحت کے مسائل، اور سازشی نظریات سے متعلق۔ متنازعہ شخصیات یا غلط معلومات پھیلانے کے ریکارڈ والے اکاؤنٹس کے مواد کے ساتھ ان کی توثیق یا تعامل نے بھی اس تاثر کو تقویت دی ہے۔‘‘
گروک کے لانچ ایونٹ کے دوران، ایلون مسک نے اس کے نام کے پیچھے کی ترغیب کا انکشاف کیا۔ گروک کی اصطلاح رابرٹ ہینلین کے سائنس فکشن ناول ’’ اسٹرینجرا ن اے اسٹرینج لینڈ ‘‘ سے لی گئی ہے ، جہاں اسے مریخ پر پرورش پانے والے ایک کردار نے کسی چیز کے گہرے، بدیہی، اور گہرائی سے سمجھنےکیلئے استعمال کیا تھا۔