نئے آرڈرس اور بین الاقوامی سیلز کی وجہ سے بہتر ی آئی ۔ روزگار کے محاذ پر بھی مثبت اثر نظرآیا ہے اور نئی ملازمتیں پیدا ہوئی ہیں ۔

یچ ایس بی سی  کی طرف سے بدھ کو جاری کردہ ہیڈ لائن پرچیزنگ منیجرز انڈیکس (پی ایم آئی ) کا اعداد و شمار جون میں ۶۰ء۵؍ تک پہنچ گیا، جو مئی میں۶۰ء۲؍ تھا۔ نئے آرڈرس اور جون میں بین الاقوامی فروخت میں اضافے کی وجہ سے ہندوستان کا بنیادی خدمات کا شعبہ مئی میں ۵؍ ماہ کی کم ترین سطح سے بہتر ہوا۔ نجی کاروباری سروے کے مطابق اس عرصے میں ملازمتوں کے مزید مواقع بھی پیدا ہوئے ہیں۔ سروے میں کہا گیا ہے کہ `جون کے اعداد و شمار نے ہندوستان کے خدمات کے شعبے کی پیداوار میں مسلسل اضافے کا اشارہ کیا، جس میں توسیع کی شرح مئی میں ۵؍ ماہ کی کم ترین سطح سے بڑھ گئی اور بین الاقوامی فروخت میں زبردست اضافہ ہوا۔ مزید برآں، اگست۲۰۲۲ء کے بعد ملازمین کی تعداد میں سب سے تیز رفتاری سے اضافہ ہوا کیونکہ نئے کاموں کو سنبھالنے کیلئے  قلیل مدتی اور مستقل عملے کو شامل کیا گیا تھا۔

یہ بھی پڑھئے: سمندری طوفان نے پورے جزیرہ کو تباہ کردیا

سروے سے پتہ چلتا ہے کہ ہندوستانی سروس فراہم کنندگان کو موصول ہونے والے نئے آرڈرس جون میں مسلسل بڑھتے رہے، جس نے توسیع کے موجودہ سلسلے کو تقریباً ۳؍ سال تک بڑھا دیا۔ اس مدت کے دوران، ترقی کی رفتار تیز ہوئی، جو مئی کے مقابلے میں تیز اور طویل مدتی اوسط سے کافی زیادہ تھی۔مجموعی طور پر سروس فراہم کرنے والے اگلے سال کیلئے  کاروباری نقطہ نظر  سے پراعتماد ہیں، حالانکہ اس مہینے کے دوران امید کی سطح میں تیزی سے کمی آئی ہے۔ جامع پی ایم آئی  میں بھی جون میں اضافہ ہوا، جس میں نئے آرڈرس کی زیادہ آمد سے مدد ملی۔ سروس کمپنیوں کے مقابلے مینوفیکچرنگ کمپنیوں نے توسیع میں اہم کردار ادا کیا۔ 
سروے میں بتایا گیا کہ مجموعی طورپر نئے کاروباری آرڈرس میں بہتری کو ایشیا، آسٹریلیا، یورپ، لاطینی امریکہ، مشرق وسطیٰ اور امریکہ سے آنے والے نئے کام کے ساتھ بین الاقوامی آرڈرس میں ریکارڈ توسیع کی حمایت حاصل ہے۔

یہ بھی پڑھئے: اسٹاک مارکیٹ کا نیا ریکارڈ، سینسیکس ۸۰؍ہزار پوائنٹس کے پار

روزگار کے محاذ پر سروے میں کہا گیا ہے کہ ہندوستانی خدمات فراہم کرنے والوں کو مالی سال کی پہلی سہ ماہی کے اختتام پر اضافی عملے کی خدمات حاصل کرنے کی ترغیب دی گئی تھی۔ سروے نوٹ میں کہا گیا ہے کہ’’اضافی بھرتی نے فرمز کے لیبر کے اخراجات میں اضافہ کیا اور اوسط لاگت کے بوجھ میں مزید اضافے میں تعاون کیا۔‘‘ پینلسٹس نے خوراک (مرغی، انڈے اور سبزیوں) اور ایندھن کی بلند قیمتوں کے بارے میں بھی بات کی۔ لاگت کے محاذ پر، خدمات فراہم کرنے والوں نے خوراک، ایندھن اور مزدوری کے زیادہ اخراجات کی وجہ سے اپنے اوسط اخراجات میں معمولی اضافے کی اطلاع دی۔ تاہم ، مہنگائی کی رفتار چار مہینوں میں سب سے کمزور تھی اور فروخت کی قیمتیں بھی فروری کے بعد سب سے کم رفتار سے بڑھیں۔