اقوام متحدہ کی ایجنسی برائے اطفال یونیسیف نے خبردار کیا ہے کہ ’’لبنان میں جنگ کے سبب گزشتہ ۳؍ ہفتوں میں ۴؍ لاکھ سے زیادہ بچے بے گھر ہوئے ہیں۔‘‘ یونیسیف کے مطابق لبنان میں ایک میں بچے تعلیم سے محروم ہوچکے ہیں جبکہ سرکاری اسکولیں یا تو تباہ ہوچکی ہیں یا شیلٹرز میں تبدیل ہوچکی ہیں۔

اقوام متحدہ کی ایجنسی برائے اطفال یونیسیف کے اعلیٰ حکام نے متنبہ کیا ہے کہ لبنان میں گزشتہ ۳؍ ہفتوں میں ۴؍ لاکھ بچے بے گھرہوچکے ہیں۔ ایجنسی نے لبنان میں ’’لاسٹ جنریشن‘‘ کے متعلق خبردار کیا ہے۔ خیال رہے کہ غزہ میں اسرائیل کی نسل کشی کی جنگ کے دوران اسرائیل اور حزب اللہ کے درمیان جنگ میں اضافہ ہوا ہے۔ اسرائیل نے لبنان میں زمینی کارروائی بھی شروع کی ہے۔
لبنان میں اسرائیل کی جنگ کے سبب ایک ملین سے زائد افراد بے گھر ہوچکے ہیں جن میں سے گزشتہ ۳؍ ہفتوں میں زیادہ تر افراد نے بیروت یا شمالی لبنان کے علاقوں میں پناہ لی ہے۔ اس ضمن میں تید چائیبان ، ڈپٹی ایگزیکٹیو ڈائریکٹر فار ہیومینیٹیرین ایکشن، نے لبنان میں اسکولوں کا دورہ کیا ہے جو پناہ گزین افراد کیلئے شیلٹرز میں تبدیل ہوگئے ہیں۔ انہوں نے بیروت میں خبر رساں ایجنسی اسوسی ایٹ پریس سے بات چیت کرتے ہوئے بتایا کہ ’’جنگ کو  ۳؍ ہفتے سے زیادہ کا وقت ہوا ہے اور اس اس کے سبب سیکڑوں بچے متاثر ہوئے ہیں۔‘‘ 

یہ بھی پڑھئے: اسمبلی الیکشن: مہاراشٹر، جھارکھنڈ میں انتخابات کی تاریخوں کا اعلان

انہوں نے مزید کہا کہ ’’لبنان میں ایک ملین سے زائد بچے تعلیم سے محروم ہوچکے ہیں۔ ان کے سرکاری اسکول یا تو ناقابل رسائی ہوچکے ہیں، یا انہیں نقصان پہنچا ہے یا وہ پناہ گزین افراد رہائش کیلئے استعمال کر رہے ہیں۔ لبنان میں جنگ کے نتیجے میں لاسٹ جنریشن (کھوئی ہوئی نسل) کا خطرہ ہے۔‘‘

یہ بھی پڑھئے: شمالی کوریا نے جنوبی کوریا جانے والی سڑکوں کو تباہ کرنا شروع کردیا: جنوبی کوریا

لبنان کے چند نجی اسکول اب بھی فعال ہیں جبکہ جنگ کے سبب سرکاری اسکولوں کو کافی نقصان ہوا ہے۔چائیبان نے کہا کہ ’’مجھے افسوس اس بات کا ہے کہ دسیوں ہزاروں لبنانی، فلسطینی اور سیریائی بچوں کے تعلیم سے محروم ہونے کا خطرہ ہے۔‘‘لبنان کی وزارت صحت کے بیان کے مطابق لبنان میں جنگ کے نتیجے میں اب تک ۲؍ ہزار ۳۰۰؍افراد ہلاک ہوچکے ہیں۔ گزشتہ ۳؍ ہفتوں میں لبنان میں سیکڑوں بچے ہلاک جبکہ ۸۰۰؍زخمی ہوئے ہیں۔

“As we watched the flames rise, fear took over.”

Two sisters from Lebanon reflect on the horrors they faced as they fled their home amid conflict.

The suffering of children must stop. They need an immediate de-escalation. pic.twitter.com/QA0teCINWA

— UNICEF (@UNICEF) September 30, 2024

انہوں نے مزید کہا کہ ’’بے گھر بچوں نے ایسے شیلٹرز میں پناہ لی ہے جہاں بے شمار لوگ ہیں۔ ۲؍ سے ۳؍خاندان پلاسٹک کی شیٹ کا استعمال کر کے ایک ہی کلاس روم میں رہنے پر مجبور ہیں۔ ایک ہزار افراد صرف ۱۲؍ بیت الخلاء کا استعمال کر رہے ہیںجن میں سے متعدد بیت الخلاء کام ہی نہیں کر رہے ہیں۔

“The children and families of Lebanon need this war to end.”

UNICEF’s @TedChaiban and WFP’s @CarlSkau implore after a visit to the country, where the ongoing war has “already triggered a catastrophe”.

Full statement. https://t.co/dSrqIJDJgh

— UNICEF (@UNICEF) October 15, 2024

متعدد بے گھر افراد نے ساحل یا سڑک کے کنارے خیمے بنائے ہوئے ہیں۔ متعدد بے گھر بچے بہت زیادہ تشدد کا سامنا کر رہے ہیں جن میں بمباری اور گولہ باری کی آوزیں بھی شامل ہیں جن سے وہ خوفزدہ ہوتے ہیں۔علاوہ ازیں اسرائیل مسلسل انخلاء کا حکم جاری کر رہا ہے۔‘‘

The last three weeks have seen a horrendous escalation in violence in Lebanon.

UNICEF’s Deputy Executive Director, @‌TedChaiban, calls for an end to violations of international humanitarian law, protection of civilians and civilian infrastructure and a ceasefire. pic.twitter.com/poFNqjGs2U

— UNICEF (@UNICEF) October 14, 2024

چائیبان نے مزید کہا کہ ’’تنازع میں اضافہ کے سبب ۱۰۰؍سے زائد بنیادی ہیلتھ کیئر فیسلیٹیز اور ۲؍ اسپتال یا تو غیر فعال ہوچکے ہیں یاعارضی طور پر کام کر رہے ہیں۔ پانی کے سسٹم کوبھی نشانہ بنایا جا رہا ہے۔ گزشتہ تین ہفتوں میں ۲۶؍ واٹر اسٹیشنوں ،جو ۳؍ لاکھ ۵۰؍ ہزار افراد کو پانی فراہم کرتے تھے، کو نقصان پہنچا ہے۔ یونیسیف انہیں ٹھیک کرنے کیلئے مقامی انتظامیہ کے ساتھ کام کر رہا ہے۔‘‘ 

At a collective shelter in Zahle, UNICEF’s Deputy Executive Director, Humanitarian Action and Supply Operations, @TedChaiban, and WFP’s Deputy Executive Director and Chief Operating Officer, @CarlSkau witnessed the heartbreaking distress of displaced families. Children long to… pic.twitter.com/wiSj58zY7Z

— UNICEF Lebanon (@UNICEFLebanon) October 13, 2024

اس سے پہلے کہ لبنان دوسرا غزہ بن جائے، جنگ بندی کی جائے: چائیبان
انہوں نے مطالبہ کیا کہ ’’جنگ کے دوران شہری انفراسٹرکچر کو نشانہ نہ بنایا جائے۔‘‘غزہ اور لبنان میں جنگ بندی کی اپیل کرتے ہوئے انہوں نے کہا کہ ’’یہ تنازع فوجی ذریعہ سے حل نہیں ہوسکتا جبکہ اس کے حل کیلئے سیاسی مشاورت کی ضرورت ہے۔اس سے پہلے کہ ہم لبنان میں بھی غزہ جیسی تباہی ، اموات اورتکلیفیں دیکھیں ، فوری طور پر جنگ بندی کی جانی چاہئے۔‘‘