کراچی اس وقت ہائی الرٹ پر ہے جہاں پر اسرار اموات کا سلسلہ جاری ہے اور اب تک ۲۲؍ لاشیں بر آمد ہو چکی ہیں، خیا ل کیا جا رہا ہے چونکہ شہر میں شدید ترین گرمی کی لہر ہے جس کے سبب نشے کے عادی افراد اس کی زد میں آکر ہلاک ہو رہے ہیں۔ پاکستانی نوجوانوں میں نشہ کی لت عام ہے جو کم قیمت میں آسانی سے دستیاب ہے۔

کراچی شہر ایک پراسرار اور تشویشناک حالات سے دوچار ہے کیونکہ شہر کے مختلف علاقوں سے ملنے والی نامعلوم لاشوں کی تعداد اب ۲۲؍تک پہنچ گئی ہے، بدھ، منگل کو جیو نیوز کی ایک رپورٹ کے مطابق، ۵؍نئی لاشیں ملی ہیں۔ جیو نیوز کے مطابق، چیپا ویلفیئر ایسوسی ایشن، پاکستان کی ایک غیر منافع بخش فلاحی تنظیم کے مطابق، تازہ ترین متاثرین میں سے تین منشیات کے عادی دکھائی دیتے ہیں۔

یہ بھی پڑھئے: اسرائیلی دھمکی سے مشرقی وسطیٰ میں تناؤ میں اضافہ

تنظیم کے رضاکاروں کی کوششوں کے باوجود ۲۲؍لاشوں میں سے کسی کی بھی شناخت نہیں ہوسکی ہے  " جیو نیوز کے مطابق، غیر سرکاری تنظیم، جو کہ میٹروپولیس میں ایمبولینسوں کا نیٹ ورک چلاتی ہے، نے تصدیق کی کہ آج کی برآمدگی کے بعد نامعلوم لاشوں کی تعداد ۲۲؍تک پہنچ گئی ہے۔ ان میں سے متعدد شہری ہیٹ اسٹروک کے باعث مختلف اسپتالوں میں داخل ہوئے۔

یہ بھی پڑھئے: اروند کیجریوال سی بی آئی کی حراست میں، سپریم کورٹ سے اپنی درخواست واپس لے لی

اے آر وائی نیوز نے رپورٹ کیا کہکراچی میں انسانی ہمدردی کے لیے کام کرنے والی ایک اور تنظیم کے ایک اہلکار، ایدھی فاؤنڈیشن کے عظیم خان نے گزشتہ روز دی نیوز کو بتایا کہ مرنے والوں میں زیادہ تر نشے کے عادی تھے جو شدید گرمی کی وجہ سے منشیات کے زیر اثر انتقال کر گئے۔  دریں اثناء، کراچی میں ایک بزرگ شہری کو منشیات کے عادی ایک گروپ نے وحشیانہ تشدد کا نشانہ بنایا، ۔ یہ واقعہ پاکستان میں منشیات کے استعمال کے بڑھتے ہوئے مسئلے پر روشنی ڈالتا ہے، خاص طور پر حالیہ برسوں میں آئس کے بڑھتے ہوئے استعمال، جسے کرسٹل میتھمفیٹامین بھی کہا جاتا ہے۔ 

یہ بھی پڑھئے: پہلی مرتبہ ٹی ٹوینٹی ورلڈ کپ کے سیمی فائنل میں پہنچنے پر پورا افغانستان جشن میں ڈوب گیا

کرسٹل میتھ ایک انتہائی نشہ آور اور طاقتور محرک ہے جو افراد اور معاشرے پر مجموعی طور پر تباہ کن اثرات مرتب کر رہی ہے۔ پاکستان میں آئس کا استعمال خاص طور پر نوجوان نسل میں عام ہے۔ منشیات کو اکثر پارٹی ڈرگ کے طور پر دیکھا جاتا ہے جس کے استعمال سے فوری توانائی، اورپھرتی حاصل ہوتی ہےجس کو سبب یہ ان نوجوانوں کیلئے پرکشش ہو جاتی ہے جوغیر فطری اور فوری توانائی اور ہیجان کی تلاش میں  ہوتے ہیں۔ آئس تک آسانی سے رسائی ، نیز دیگر ادویات کے مقابلے اس کی نسبتاً کم قیمت نے نوجوان پاکستانیوں میں اس کی مقبولیت کے اضافےمیں اہم کردار ادا کیا ہے۔